web counter
LEXO PA REKLAMA!

SHKARKO APP

App Store
Google Play

Dosja "5D"/ Avokatët e drejtorëve të Veliajt përplasen në seancën gjyqësore

22 Maj 2025, 11:54, Aktualitet CNA

Dosja "5D"/ Avokatët e drejtorëve të Veliajt

Seanca gjyqësore për drejtorët e Veliajt është shoqëruar me përplasje. Debatet kanë nisur pas një kërkese për gjykim të shkurtuar nga ana e avokatit të Redi Mollës.

Avokati i Redi Mollës, Denion Bogdani, ka kërkuar të mos nisë shqyrtimi gjyqësor i çështjes nëse më parë nuk merret një vendim për këtë kërkesë.

Edhe avokatët e të pandehurve të tjerë, Ermir Beta dhe Ardian Leka, kërkuan shtyrjen e seancës për të njëjtin motivacion.

Ndërkohë avokatja e Taulant Tushes, Evi Sheri, ka kërkuar që seanca të mos shtyhet.

Kjo ka sjellë përplasjen e tyre dhe tensionet në seancë.

Nga ana tjetër edhe prokurori i çështjes, Klodian Braho, është shprehur se kërkesa nuk është arsye për të mos vazhduar seancën.

Më 2 korrik të 2024, SPAK i komunikoi akuzat “korrupsion pasiv” dhe “mosdeklarim të pasurisë” Redian Mollës dhe Mariglen Qatos, ndërsa Taulant Tushes i komunikoi akuzën “shkelje e barazisë në tenderë”. Tre ish-drejtorët u arrestuan në muajin mars të vitit të kaluar me urdhër të Prokurorisë së Posaçme Antikorrupsion, në kuadër të hetimeve për dosjen “5D”.

Ata u lanë në masën “arrest në burg”, ndërsa pesë persona të tjerë në masën “detyrim paraqitje”, konkretisht Enton Punavija, Julian Zanaj, Albano Janku, Nestor Muhamellari, Deborah Keçi dhe Englatina Zere./ CNA





Lajmet e fundit nga