web counter
LEXO PA REKLAMA!

SHKARKO APP

App Store
Google Play

E fundit!

x

“Media shqiptare, përballë fenomenit të dezinformimit”/ Tryeza nga AMA mbi deformimin e opinionit publik

22 Maj 2025, 15:18, Aktualitet CNA

“Media shqiptare, përballë fenomenit të

Autoriteti i Mediave Audiovizive (AMA) ka zhvilluar këtë të enjte një tryezë produktive, që përmbyll projektin e realizuar nga qendra "Faktoje", me mbështetjen edhe të AMA-s, mbi luftën kundër fenomenit të dezinformimit.

Gjetjet e prezantuara sot nga "Faktoje" treguan se ndërgjegjësimi i gazetarëve për pasojat që sjell ky fenomen në deformimin e opinionit publik, është vetëm një hap, në një betejë që duhet marrë shumë seriozisht.

AMA, me në krye të saj Armela Krasniqin, i bëri thirrje medias për raportim profesional, për dhënien e informacionit të konfirmuar nga shumë burime dhe të saktë, për përgjegjshmëri dhe rëndësinë që ka raportimi i duhur në informimin e publikut.

AMA shprehet përkrah edhe të nismave të tilla, që realizojnë një sërë trajnimesh të gazetarëve për fenomenin e dezinformimit në kohë lufte, edhe pse kjo nuk hyn në fushën legjislative e as të ekspertizës së institucionit.

Tryeza bëri bashkë përfaqësues të shoqërisë civile, Parlamentit dhe gazetarë, të cilët u përfshinë në diskutime konstruktive mbi transparencën e pronësisë së medias online dhe forcimin e një gazetarie profesioniste në shërbim të publikut./CNA





Lajmet e fundit nga