web counter
LEXO PA REKLAMA!

SHKARKO APP

App Store
Google Play

E fundit!

x

GJKKO rrëzon kërkesën e drejtorëve të Veliajt/ Çështja do të shqyrtohet në një proces të unifikuar

22 Maj 2025, 12:07, Aktualitet CNA

GJKKO rrëzon kërkesën e drejtorëve të Veliajt/

Gjykata e Posaçme kundër Korrupsionit dhe Krimit të Organizuar ka rrëzuar kërkesat e avokatëve të drejtorëve të Veliajt për ndarjen e çështjes dhe ka vendosur që procesi të vijojë i unifikuar për të gjithë të pandehurit.

Mësohet se avokatja e Taulant Tushës kërkoi veçimin e çështjes së klientit të saj me pretendimin se provat dhe faktet janë të ndryshme për të pandehurit.

Sipas avokatëve, veprat penale të kryera nga Mariglen Qato, Redi Molla dhe Nestor Muhametllari nuk mund të shqyrtohen në të njëjtin proces, pasi nuk janë të së njëjtës natyrë dhe kërkojnë një kohë më të gjatë për gjykim.

Më 2 korrik të 2024, SPAK i komunikoi akuzat “korrupsion pasiv” dhe “mosdeklarim të pasurisë” Redian Mollës dhe Mariglen Qatos, ndërsa Taulant Tushes i komunikoi akuzën “shkelje e barazisë në tenderë”. Tre ish-drejtorët u arrestuan në muajin mars të vitit të kaluar me urdhër të Prokurorisë së Posaçme Antikorrupsion, në kuadër të hetimeve për dosjen “5D”.

Ata u lanë në masën “arrest në burg”, ndërsa pesë persona të tjerë në masën “detyrim paraqitje”, konkretisht Enton Punavija, Julian Zanaj, Albano Janku, Nestor Muhamellari, Deborah Keçi dhe Englatina Zere./ CNA





Lajmet e fundit nga