web counter
LEXO PA REKLAMA!

SHKARKO APP

App Store
Google Play

E fundit!

x

Lajmi për shuarjen e Artan Lames/ Fevziu: Është në koma cerebrale

22 Maj 2025, 21:40, Aktualitet CNA

Lajmi për shuarjen e Artan Lames/ Fevziu: Është në koma

Gazetari Blendi Fevziu në nisje të emisionit “Opinion” ka bërë një lajmërim.

I kontaktuar nga familjarët e ish-kreut të Kadastrës, Artan Lame, Fevziu tha se ai nuk ka ndërruar jetë, por ndodhet në gjendje të rëndë.

Gazetari tha se Lame ndodhet në koma cerebrale.

“Kam një anonçim të shkurtër, që është padyshim një nga anonçimet më të vështirë që do të bëj ndoshta edhe në të gjithë jetën time. Një nga miqtë e mi personal, një nga njerëzit jam i bindur e ka dashur Shqipërinë dhe historinë e saj më shumë se shumë të tjerë. Artan Lame ndodhet në momente shumë të rënda të jetës së tij. Sot paradite ka dalë lajmi që ai iku nga kjo jetë, në fakt ai ndodhet në koma cerebrale. Ka hyrë në një operacion të rëndë në zemër, pas një problem disajavorë.

Operacioni nuk ka arritur ta zgjojë më, pra ai është në koma cerebrale, por është ende në jetë. Mjekët thonë që mundësia që ai të jetojë është thuajse…, pra është e vështirë. Por gjithsesi ai është ende në jetë dhe unë kam një porosi nga familja e tij që ta bëjë këtë anonçim për të thënë që të mos bëhet fakt i kryer diçka që nuk ka ndodhur ende”, u shpreh Blendi Fevziu.

Paraditen e sotme nga mediat dhe figura publike u publikua lajmi se publicisti Artan Lame kishte ndërruar jetë në një spital në Gjermani./ CNA





Lajmet e fundit nga