E fundit!

20:27 Politikë

“Ai për investimet strategjike do të shfuqizohet”/ Rama tregon çfarë do të ndodhë me ligjin për zonat e mbrojtura

Kryeministri Edi Rama është shprehur në konferencën ndërqe...

“Makthi” me trafikun në aksin Tiranë-Elbasan/ “Rrugorja”: Kemi shtuar masat

17 Gusht 2024, 15:29, Aktualitet CNA

“Makthi” me trafikun në aksin Tiranë-Elbasan/

Trafik Tirane-Elbasan

Pas një sërë denoncimesh të raportuara nga CNA në lidhje me trafikun me të cilin qytetarët përballen në autostradën Tiranë-Elbasan, në afërsi të rrethit të Bradasheshit, ku një trafik të rënduar ka patur dhe ditën e sotme, ka reaguar policia rrugore e Elbasanit e cila thotë se ka marrë masa për të përballuar fluksin e madh të lëvizjes së automjeteve në drejtim të Korçës dhe zonave bregdetare të Jugut.

Sipas policisë, ka ngadalësim të lëvizjes për shkak të fluksit të automjeteve që kalojnë në këtë rrethrrotullim.

“Policia Rrugore e Elbasanit masa të shtuara për të përballuar fluksin e madh të lëvizjes së automjeteve në drejtim të Korcës dhe zonave bregdetare të jugut.

Policia Rrugore ka rritur prezencën me patrulla të shtuara në akset rrugore Elbasan-Librazhd dhe Elbasan-Rrogozhinë, për të eleminuar vonesat në lëvizje si pasojë e parakalimeve të gabuara apo ngadalësimit të lëvizjes në hyrje të Elbasanit dhe te rrethrrotullimi në Bradashesh.

Deri në këto momente, nuk ka bllokim të qarkullimit të automjeteve, por ka ngadalësim të lëvizjes për shkak të fluksit të automjeteve që kalojnë në këtë rrethrrotullim.

Në ndihmë të shërbimeve të qarkullimit rrugor janë dhe forcat Shqiponja dhe Patrullat e Përgjithshme të cilat vijojnë intensivisht punën për menaxhimin e qarkullimit të automjeteve.

Policia Rrugore e Elbasanit apelon për të gjithë drejtuesit e automjeteve që qarkullojnë në këto akse rrugore të tregojnë durim, të qëndrojnë në radhë dhe të mos kryejnë parakalime të gabuara, duke u kthyer në burim për përfshirje në ngjarje rrugore apo për bllokim të lëvizjes në të dy kahet e rrugës”, njofton policia.

CNA ka raportuar shpesh në lidhje me këtë pikë trafiku që është kthyer në një makth për qytetarët të cilët mbeten të bllokuar me orë të tëra në trafik./ CNA