E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Festa e Birrës “thith” turistët/ Mijëra shqiptarë dhe të huaj, pjesëmarrës në natën e tretë

16 Gusht 2024, 23:16, Aktualitet CNA

E paharrueshme ka qenë nata e tretë e evenimentit më të madh në Shqipëri, Festa e Birrës në Korçë. Me një pjesëmarrje të lartë të qytetarëve korçarë dhe me një boom turistësh nga gjithë vendi e bota, atmosfera u elektrizua edhe më shumë nga këngëtarët më të njohur, Xhesika Polo, Fifi e Luiz Ejlli.

Për pjesëmarrësit në këtë event, ky vit ka sjellë një tjetër frymë ndryshe nga vitet e kaluara, duke përmendur këtu hyrjen falas, si edhe një shumëllojshmëri birrash e gatimesh tradicionale korçare që preferohen aq shumë. Bashkë me këngëtarët ka kënduar e kërcyer edhe publiku, duke shijua çdo këngë e duke përjetuar emocione të veçanta në performancën e kësaj nate.

Festa e Birrës “thith” turistët/ Mijëra

Turistët e huaj janë ata që kanë zënë një vend mjaft të rëndësishëm në këtë organizim, si vizitorët specialë të Korçës. Një familje nga Gjermania ka ardhur posaçërisht për këtë festë në Korçë, për herë të parë, ndërsa janë shprehur për CNA TV se ndihen mjaft të emocionuar që ndodhen këtu dhe po shijojnë atmosferën fantastike.

"Jemi nga Gjermania. Është hera e parë për ne të jemi këtu. Qenka shumë bukur, birrat janë të lira në çmim, njerëzit shumë të mirë, më pëlqen. Kam ardhur me familjen time, me bashkëshorten dhe djalin. Do të qëndrojmë edhe një natë tjetër në Korçë."

"Festa është shumë e veçantë. Ka kaq shumë njerëz, shumë organizim i bukur. Me të vërtet që është super."

Festa e Birrës “thith” turistët/ Mijëra

Në festën e birrës nuk mungojnë as emigrantët korçarë që janë larguar prej vitesh në Greqi. Një zonjë rikthehet në Korçë nga Kosturi i shtetit grek, për të festuar gjatë netëve të këtij eventi me familjen e saj. Ndër të tjera, ajo tregon se organizimi i këtij viti është më i bukuri nga të gjitha vitet e tjera, me këngëtarët e zgjedhur që u kanë dhënë kënaqësi të papërshkrueshme.

Qytetarët korçarë nga ana tjetër janë më fanatikët e pjesëmarrësve në eventin festiv në qytetin e tyre. Që prej natës së parë, ata vazhdojnë të qëndrojnë në tavolina, me plot gatime në to, me birrat e preferuara dhe nën shoqërinë e familjarëve dhe miqve. Për CNA TV, ata tregojnë emocionet e bukura që po përjetojnë në këto orë të festës.

Nata e tretë e Festës së Birrës ka ngritur peshë publikun me këngëtarët e mirënjohur, duke festuar deri në orët e vona. Edhe për dy netë të tjera, qytetarët korçarë së bashku me vizitorët vendas e të huaj do të kenë mundësi të shijojnë të tjera performanca nga këngëtarë të ndryshëm. Korça është sot epiqendra e festimeve me organizimin më të madh në Shqipëri./ CNA TV