E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

Kush është miku i Veliajt që u arrestua nga SPAK?

10 Shkurt 2025, 17:53, Aktualitet CNA

Përveç Erion Veliajt sot janë arrestuar dhe bashkëpunëtorë të tij.

Ndër ta dhe biznesmeni Elman Abule, të cilit iu sekuestruan pak kohë më parë 50 milionë euro pasuri.

Po kush është Elman Abule?

Elman Abule është biznesmeni me shtetësi belge, të cilit iu sekuestruan 50 milionë euro.

Sipas prokurorisë, nga hetimi i kryer, u siguruan prova të mjaftueshme që krijojnë dyshimin e arsyeshëm se shtetasit Elman Abule në bashkëpunim me shtetasin K. B., E. B. etj., kanë konsumuar veprën penale “Pastrimi i produkteve të veprës penale ose veprimtarisë kriminale” e kryer në bashkëpunim, parashikuar nga neni 287, paragrafi i dytë i Kodit Penal dhe në këtë skemë dyshohet se janë përfshirë edhe bashkëshortet e tyre.

Abule rezultoi i dënuar në Belgjikë, ku ka kryer edhe dënimin në kuadër të grupeve kriminale. Gjithashtu nga provat e administruara deri në këtë fazë të hetimit, ekziston dyshimi i arsyeshëm se ky shtetas ka konsumuar edhe veprën penale të “Kontrabandës me mallra të licencuara”, parashikuar nga neni 173 i Kodit Penal.

Në kuadër të veprimtarisë së tij të paligjshme, shtetasi Elman Abule ka themeluar një sërë shoqërish tregtare, me qëllimin të maskojë kryerjen e aktiviteteve të paligjshme nga ana e tij, me veprimtari të konsideruara si të ligjshme.

Ky shtetas, nëpërmjet krijimit të një sërë kompanive, disa prej tyre nën administrimin edhe të shtetasve K. B. apo V. A., kanë krijuar një skemë të mirëfilltë të pastrimit të produkteve të veprës penale.

Lidhja e Veliajt me Elman Abulen

Dyshja Veliaj-Abule është e njohur se kanë kontakte të ngushta me njëri-tjetrin, ku së bashku kanë udhëtuar në disa vende të Evropës.

Kush është miku i Veliajt që u arrestua nga SPAK?

Nga kjo marrëdhënie e ngushtë miqësore dyshohet se Abule ka përfituar leje ndërtimi në Tiranë, ku e fundit ka qenë në zonën e “Kombinatit”, që nuk vu në zbatim pasi pronarët e tokës refuzuan Abulen për shkak të një dënimi në Belgjikë.

Kujtojmë se kohë më parë në media është publikuar një foto e tij, në aeroportin e Romës, në shoqërinë e kryetarit të Bashkisë së Tiranës, Erion Veliaj.

Sipas asaj që raportohej në media asokohe besohet se fotoja është shkrepur në vitin 2019, dallohet se Veliaj dhe Abule kanë njohje të konsiderueshme.

Po ashtu është raportuar nga mediat se në 26 prill të vitit 2022, një nga kompanitë e tij e quajtur "Ventur" mori leje për ndërtimin e një turbine eolike në Bashkinë Pukë./ CNA