E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Sërish spektakël në Ligën e Kampionëve/ Në "play off" përplasen të mëdhenjtë e Evropës

10 Shkurt 2025, 10:06, Aktualitet CNA

Sërish spektakël në Ligën e Kampionëve/ Në

Pas një rrugëtimi elektrizues si ai që u përmbyll me një maratonë të paprecedentë ndeshjesh dhe përcaktoi 8 skuadrat më të mira të Evropës, që kaluan direkt në fazën tjetër, tashmë na presin të tjera emocione.

Jemi në "play off", ku 16 skuadra do të përplasen mes tyre për 8 vende të tjera që do të plotësojnë Top 16-en evropiane. Rastësia, fati, një sezon i mbrapshtë, apo një gabim i minutës së fundit, e deshi që mes tyre të jenë disa nga klubet më të suksesshme evropiane të të gjitha kohërave, që, siç pakkush e mendonte, do të sfidohen në "play off" për të siguruar ecurinë më tej. Dhe për tifozët e panumërt të Champions League, kjo do të thotë sërish magji, sërish spektakël, sërish emocione të papërmbajtshme.

Sërish spektakël në Ligën e Kampionëve/ Në

Në 2 raunde, i pari mes të cilëve luhet në mesjavë, disa nga ekipet më të mira kontinentale luajnë shansin e fundit drejt lavdisë evropiane, duke dhuruar disa superduele. Më i shumëprituri mes të cilëve, sfida që duket si një histori nderi dhe prestigji dhe që përsëritet edhe një herë. Manchester City dhe Real Madrid zbresin në fushë të martën në një ndeshje drejt së cilës do të kthejnë sytë miliona tifozë futbolli.

Po të martën luhet edhe dueli i parë italo-holandez, ai mes Juventusit dhe PSV-së, ndërkohë që gjermanët e Dortmundit fluturojnë drejt Lisbonës ku i pret Sportingu dhe Paris St Germain drejt Brestit, në atë që mund të konsiderohet si një derbi francez.

Sërish spektakël në Ligën e Kampionëve/ Në

Ndërsa, mbrëmja e së mërkurës mirëpret të dytin duel italo-holandez, atë mes Feyenoord-it dhe Milan-it, tashmë me një ekip të ristrukturuar, teksa Atalanta, që vetëm 1 pikë e çoi në "play off" shkon drejt Bryzhit për ta siguruar tani kualifikimin, por edhe dy duelet e tjera të së mërkurës, mes Celtic dhe Bayern apo Monakos dhe Benfikës do të jenë vendimtare, sepse, nëse na mësoi diçka Faza e Ligës dhe formati i ri i Ligës së Kamopionëve, ishte se asgjë nuk mund të parashikohet.

Sërish spektakël në Ligën e Kampionëve/ Në

Me të tilla supersfida, na presin sërish net magjike. Kjo është madhështorja UEFA Champions League, e gjitha për t’u shijuar vetëm dhe ekskluzivisht në kanalet e Tring Sport, platformës më të madhe dhe gjithëpërfshirëse sportive në vend./ CNA