web counter
LEXO PA REKLAMA!

SHKARKO APP

App Store
Google Play

E fundit!

x

SPAK ka rezultat/ Delegacioni i BE reagon pas ndërprerjes së fondeve amerikane: Keni mbështetjen tonë

6 Shkurt 2025, 18:51, Aktualitet CNA

SPAK ka rezultat/ Delegacioni i BE reagon pas ndërprerjes së fondeve

Delegacioni i Bashkimit Europian ka reaguar pas ngrirjes së fondit amerikan në Shqipëri për 90 ditë si pasojë e një urdhri të firmosur nga presidenti Donald Trump. Në reagimin e saj, Delegacioni i BE në Shqipëri bën të ditur se është e vendosur dhe të mbështesë reformën në drejtësi, duke theksuar se SPAK ka prodhuar rezultatet të prekshme.

Reagimi i Delegacionit të BE në Shqipëri:

• Kemi marrë dijeni për njoftimin e bërë nga Presidenti Trump për të pezulluar përkohësisht të gjitha programet e ndihmës së huaj të SHBA-së për 90 ditë në pritje të rishikimeve nga administrata e re.

* BE-ja ka qenë në pararojë të dhënies së ndihmës për reformën në drejtësi dhe është e vendosur të vazhdojë ta mbështesë reformën në drejtësi në Shqipëri.

* Që kur sistemi i drejtësisë iu nënshtrua një reforme thelbësore në vitin 2016, BE-ja e ka intensifikuar ndjeshëm këtë mbështetje. Kjo përfshinte mbështetje buxhetore dhe mbi 50 milionë euro asistencë teknike, duke synuar veçanërisht ndërtimin e institucioneve.

* Burime të tjera të rëndësishme parashikohen për ta vazhduar këtë mbështetje pa probleme, përfshirë përmes Mekanizmit të Rritjes dhe Reformës për Ballkanin Perëndimor.

* Roli i SPAK-ut dhe pavarësia e tij në hetimin, ndjekjen penale dhe gjykimin e çështjeve komplekse të korrupsionit është i një rëndësie kyçe. BE-ja e ka mbështetur SPAK-un që nga themelimi i tij nëpërmjet asistencës teknike të dedikuar në kuadër të projekteve EU4LEA dhe EU4 FOCAL me buxhet të përgjithshëm mbi 8 milionë euro.

* SPAK-u ka prodhuar rezultate të prekshme, duke kontribuar në përpjekjet e përgjithshme të Shqipërisë për të krijuar një historik të besueshëm në luftën kundër krimeve të rënda, krimit të organizuar dhe korrupsionit, përfshirë në nivel të lartë. /CNA





Lajmet e fundit nga