web counter
LEXO PA REKLAMA!

SHKARKO APP

App Store
Google Play

“Rrugorja” bën kërdinë me gjobat/ Ndëshkohen shkelësit e qarkullimit

9 Shkurt 2025, 17:47, Aktualitet CNA

“Rrugorja” bën kërdinë me gjobat/ Ndëshkohen

Policia Rrugore e Tiranë, gjatë kësaj jave, ka shtuar kontrollet policore parandaluese për verifikimin e drejtueseve të mjeteve që drejtojnë automjetet pas përdorimit të pijeve alkoolike, të papajisur me leje drejtimi, me shpejtësi mbi normat e lejuara, shkeljet e semaforëve, pa rrip sigurimi, për përdorimin e celularit gjatë drejtimit të automjetit si dhe për automjetet që zënë hapësirat e dedikuara për lëvizjen e lirë të automjeteve.

Si rezultat i kontrolleve specialistët e Qarkullimit Rrugor:

Kanë arrestuar/proceduar 32 drejtues automjetesh, nga të cilët 13 në gjendje të dehur, 6 të papajisur me leje drejtimi, 7 për shkelje të qarkullimit rrugor, 2 persona të shpallur në kërkim, 2 drejtues mjetesh për “Korrupsion aktiv ndaj personave që ushtrojnë funksione publike”, 1 drejtues për largim nga vendi i aksidentit si dhe 1 shtetas për deklarim të rremë para oficerit të Policisë Gjyqësore.

Kanë vendosur 10.954 masa administrative për shkelje të ndryshme rrugore, mesatarisht 1564 në ditë.

Kanë pezulluar 15 leje drejtimi si dhe kanë bllokuar 15 automjete.

Janë tërhequr me karrotrec 20 automjete të cilat kanë zënë hapësirat e dedikuara për lëvizjen e lirë të automjeteve./ CNA





Lajmet e fundit nga