web counter
LEXO PA REKLAMA!

SHKARKO APP

App Store
Google Play

Kallëzim penal dhe hetime në SPAK për korrupsionin e Këshillit Drejtues të RTSH-së

10 Shkurt 2025, 13:41, Aktualitet CNA

Kallëzim penal dhe hetime në SPAK për korrupsionin e

Sot, Komisioni i Medias konfirmoi skandalet e denoncuara nga CNA, dokumentet zyrtare, konfliktin e interesit të Këshillit Drejtues të RTSH-së.

Këshilli Drejtues i medias publike të vetme në Shqipëri u shkarkua pas një kalvari dokumentesh, seancash, shkrimesh, debatesh publike, të bëra nga disa njerëz që pretendohen intelektualë, që duhet të ishin ajka e kombit, të cilët ishin kthyer në përfitues fondesh në institucionin që drejtonin, në pazarxhinj të vegjël.

Në fakt, për shumë më pak sesa buxheti i abuzuar i RTSH-së, drejtues të institucionit kanë përfunduar pas prangave.

Tashmë një kallëzim penal për Leka Bungon dhe disa anëtarë të Këshillit Drejtues të RTSH-së që u shkarkuan sot do të çohet në SPAK për t'u hetuar dhe për t'u zbardhur e vërteta e korrupsionit skandaloz që ka ndodhur në RTSH, në Këshillin Drejtues, për të çuar përpara drejtësisë zhapikët e korrupsionit në RTSH, derrat e zhgërryer në llucën e korrupsionit, ku dirigjenti ishte Leka Bungo, që ndoshta mendon dhe shpreson se mosha e madhe e justifikon, por do të ndiqet penalisht ai dhe çdo përgjegjës.

Do të shkojnë përpara drejtësisë për t'u zbardhur e vërteta dhe për të kuptuar shqiptarët se kush ka gënjyer, kush ka abuzuar, kush ka vjedhur dhe kush është përgjegjësi i vërtetë, helmi i shpirtit të ndonjë plaku që zbutej me përfitim kontratash dhe fondesh në konflikt të pastër interesi./ CNA





Lajmet e fundit nga