Kur Manjani vendos veten në rolin e budallait

6 Shkurt 2026, 12:42, Aktualitet CNA

Ashtu siç pritej, Ylli Manjani, ish-ministri i Edi Ramës, këshilltar i Fatos Nanos, armiku i madh i pushtetit më pas, një nga njerëzit kryesorë të LSI-së, tani i kthyer në vasal të kryeministrit Rama, shfaqet menjëherë sapo prodhohet një lajm i rremë dhe një manipulim kundër prokurorëve të SPAK-ut apo drejtësisë.

Dihet që Manjani është avokati i grupeve të strukturuara kriminale dhe mbrojtës i tyre, pra që është në konflikt të hapur interesi me prokurorët dhe gjyqtarët, por më e bukura është kur përdor dhe tezën se mbi ç’ligj bazohet budallallëku se “u bëre ti të marrësh avokat amerikan”.

Pse mashtrojnë publikisht mediat e Veliajt me fjalën e prokurorëve të SPAK-ut në GJKKO?
6 Shkurt, 12:02

Ne nuk e dimë mbi ç’ligj bazohet qëndrimi dhe budallallëku i mbajtur nga Manjani, i cili në një postim të tij thotë se Erion Veliaj ka pajtuar avokatë amerikanë dhe për këtë shkak meritojnë të rrinë në burg.

Ky si qëllim i thënë nga ky, si argument i thënë në sallën e gjyqit nga prokurorët e SPAK-ut, Dumani, Altin Dumani dhe Olsi Dado, dhe për të është një kapërcim shumë i madh ligjor, etik dhe deontologjik.

Kur Manjani vendos veten në rolin e budallait

Në fakt, pyetja është shumë e thjeshtë: ku e gjeti fjalinë, këtë fjali që thotë se kanë thënë prokurorët, Ylli Manjani?

Tani po bën rolin e budallait, sepse mjafton të shohësh audion në të njëjtat media që kanë nxjerrë dhe reagimin e Manjanit dhe del që kjo fjali nuk ekziston.

Përkundrazi, prokurorët thanë se kanë lobuar në SHBA 220 mijë dollarë kundër drejtësisë, por askund nuk thuhet, në asnjë fjali të vetme: pse kanë marrë avokat amerikan? Asgjëkundi.

Ja çfarë thonë prokurorët Ols Dado dhe Altin Dumani:

“Jemi vënë në dijeni pasi elementë të rinj në lidhje me nenin 228 të Kodit të Procedurës Penale, të nenit 163 në lidhje me kushtet e përcaktimit të masës së sigurimit personal, jemi vënë në dijeni për një fushatë lobimi të shtetasit 1Erion Veliaj në Shtetet e Bashkuara të Amerikës, me një fond financimi rreth 221 mijë dollarë. Nga burime të hapura, është një shkrim, ka shumë shkrime, por do të doja që këtë gjykata ta shqyrtonte si provë. Në gjykimin tonë kjo fushatë lobimi, e cila ka shkuar deri në nivelet më të larta politike administrative të Shteteve të Bashkuara nuk përbën një mbrojtje juridike për veprimtari të funksionit politik, synon deligjitimimin e organeve që po gjykojnë aktualisht çështjen dhe tregon vullnetin e të pandehurit për të shmangur procesin penal.

Pra, mbrojtja nga procesi penal dhe jo mbrojtja në procesin penal duket se është synimi kryesor i të pandehurit Erion Veliaj gjatë këtyre muajve të hetimit paraprak, por dhe të gjykimit në seancë paraprake. Për ne është një element shumë i rëndësishëm që tregon se klima e krijuar në raport me Prokurorinë e Posaçme, por dhe me gjyqtarin në hetim paraprak. Të mos harrojmë këtu që nga burime të hapura gjithashtu, këta aktorë të sistemit të drejtësisë, pra edhe prokurorë të Prokurorisë së Posaçme, por edhe gjyqtarë, janë cilësuar si anëtarë aktivë të një partie që i përket opozitës në Shqipëri. Janë cilësuar të lidhur, ose të paktën vetëm prokurori, me interesa të ngushta zhvillimore ndërtuese. Kjo është një situatë që krijon një klimë ndikimi jo vetëm tek organet e drejtësisë dhe aq më tepër mund të imagjinojmë efektin që krijon te dëshmitarët, por dhe te dëshmitarët e drejtësisë që janë pjesë jetike, thelbësore e këtij procesi”.

Kur Manjani vendos veten në rolin e budallait

Këtu nuk ka asnjë gurgule, asnjë absurditet. Avokatët kanë thënë të lobojnë, të vazhdojnë, të bëjnë çfarë të duan. Nuk janë përmendur avokatët. Përkundrazi, është thënë se në këto lobime janë thënë të pavërteta dhe akuza ndaj prokurorëve.

Dhe, jemi përballë faktit të njëjtë të përdorur muaj më parë, kur u tha se Ols Dado dhe Altin Dumani kishin thënë 'ndyrësirë' Erion Veliajt. Dhe nuk u gjet asgjëkundi, as sot e kësaj dite, ta gjejnë atë “ndyrësirën” të na e japin.

Ekskluzive/ SPAK për CNA: E vërteta e përballjes Dado-Veliaj në gjykatë
24 Shkurt, 15:04

Dhe sot e kësaj dite që kanë marrë procesverbal dhe na nxorën seancën e fundit të masës së sigurisë për Erion Veliajn, të na i nxjerrin ku e ka thënë që “pse ka marrë avokat amerikan” apo “u bëre ti të marrësh avokat amerikan”.