web counter
LEXO PA REKLAMA!

SHKARKO APP

App Store
Google Play

“Debatuam me prokurorët në GJKKO”/ Cakrani: Seanca në Kushtetuese në prill, katastrofë

5 Shkurt 2026, 15:49, Aktualitet CNA

“Debatuam me prokurorët në GJKKO”/ Cakrani: Seanca në

Kujtim Cakrani, avokati i ish-presidentit Ilir Meta tha sot pas seancës së zhvilluar në GJKKO, se u zhvilluan disa debate konstruktive me prokurorët për bërë disa sqarime lidhur me çështjen.

Në deklaratat e tij para gazetarëve, Cakrani u shpreh edhe sa i takon caktimit të datës 8 prill për shqyrtimin nga Gjykata Kushtetuese për ankimin e Metës për masën e sigurisë, që e cilësoi si një katastrofë, për shkak të distancës kohore nga momenti kur është bërë kërkesa.

“Kishte debate me prokurorët për akuzat në kërkesën për gjyq. Ata janë të paqartë dhe ne kemi debatuar për të saktësuar që Gjykata ta kuptojë se për çfarë bëhet fjalë. Kemi bërë disa sqarime. Prandaj ka pasur debat. Ishte konstruktiv, nuk jemi fyer me prokurorët. Prandaj ne si avokatë jemi të detyruar. Nuk ka akuzë dhe vepra penale, prandaj ne ia lëmë kohës. Në kemi qenë dhe po vazhdojmë të jemi të hapur, Meta ka qenë gjithmonë transpartent me publikun. Ne prisnim që data të lihej brenda këtij muaji është shumë larg data 8 prill. Është katastrofë ndërkohë që çështja mund të ketë kaluar edhe në gjykim themeli kemi zgjedhur të heshtim dhe jo të flasim më, pasi mund të jemi jo më të besueshëm për publikun”,-tha Cakrani./CNA





Lajmet e fundit nga