web counter
LEXO PA REKLAMA!

SHKARKO APP

App Store
Google Play

Ende asnjë rezultat/ Vijojnë kërkimet për gjetjen e trupit të 30-vjeçarit në Klos

5 Shkurt 2026, 09:22, Aktualitet CNA

Ende asnjë rezultat/ Vijojnë kërkimet për gjetjen e trupit

Kërkimet për gjetjen e trupit të 30-vjeçarit, Jurgen Karaj nga fshati Fullqet i Klosit vijojnë prej 26 ditësh, pa rezultat. I riu dyshohet se është marrë nga rrjedha e fortë e ujit të zallit të Darsit më 10 janar.

Që prej ditës së zhdukjes, operacionet e kërkimit janë zhvilluar pa ndërprerje përgjatë rrjedhës së lumit Mat. Çdo ditë në terren janë angazhuar dhjetëra efektivë të Batalionit të Tretë të Repartit të Këmbësorisë Burrel, familjarë të të riut, si edhe struktura të tjera mbështetëse.

Prej 29 janarit, kërkimeve u është bashkuar edhe një ekip i specializuar nga Forcat e Sigurisë së Kosovës. Më shumë se 11 efektivë të FSK-së janë të angazhuar çdo ditë në operacion, në bashkëpunim me forcat shqiptare.

 

E gjithë vija lumore e Matit është kontrolluar disa herë, por deri më tani nuk është gjetur as trupi i 30-vjeçarit dhe as ndonjë shenjë që të çojë në zbardhjen e fatit të tij. Paralelisht, kërkimet janë përqendruar edhe në basenin ujor të Liqenit të Ulzës.

Forcat e Sigurisë së Kosovës kanë përdorur një dron nënujor në hyrje të liqenit, duke kontrolluar zonat me thellësi të madhe. Deri më 3 shkurt, operacioni nuk ka sjellë rezultate konkrete.

Autoritetet bëjnë me dije se kërkimet do të vijojnë, ndërsa rënia e ndjeshme e prurjeve të lumit Mat pritet të lehtësojë kontrollin e terrenit nga grupet e angazhuara. /CNA





Lajmet e fundit nga