web counter
LEXO PA REKLAMA!

SHKARKO APP

App Store
Google Play

E fundit!

x

Rama kundër rritjes së pagave të gjykatësve/ Shehaj: E bën enkas, çon buxhetin sipas qejfit të vet

4 Shkurt 2026, 18:24, Aktualitet CNA

 Rama kundër rritjes së pagave të gjykatësve/ Shehaj: E

Ekspertja e ekonomisë, Brisida Shehaj komentoi situatën mbi kërkesën për rritje pagash nga gjykatësit dhe reagimet për rastin nga kryeministri Edi Rama.

Në një emision në “Syri Tv”, Shehaj tha se nuk bëhet fjalë për kursim nga financat e shtetit, por e cilësoi si një veprim të qëllimtë të Ramës, për të ndarë paratë në fushat që zgjedh vetë.

“Kjo s'ka të bëjë fare me financat. Ai e bën enkas dhe kastile, të gjithë këtë kauzë që ngre. Po. A thua ti se i dhimbset Edi Ramës për 37 milionë euro? Ne po flasim për një strukturë që nuk ka një organikë. Nuk ka një organikë të plotësuar.

Kështu që, për sa kohë nuk ka një organikë të plotësuar, ai do mjaftonte që këtyre njerëzve sepse kur KLGJ-ja vajti në raportim, pra KLGJ-ja dhe KLP-ja vajtën në raportim, por KLGJ-në, raportin e KLGJ-së e kam lexuar me shumë interes.

Nëse mos gaboj një gjyqtar në BE, ku di unë, kishte 15 deri në 18 dosje, norma, ëhë. këta tanët e kishin nga 100 e nga 200. Pra ti që sot me mënyrën si e ka në mangësi organikën, gjyqtarët tanë duhet të merrnin vështirësi pune për atë punë që po bëhet, për evadimin e atyre dosjeve dhe për nxjerrjen e vendimeve. Vetëm për kaq ta mendosh dhe duke menduar dhe paratë që ai kursen nga mosplotësimi i asaj organikës, nuk kishte nevojë të bënte fare këtë gjë.

Pavarësisht se ata prokurorë u burrëruan në një moment të caktuar dhe bën atë gjë, por nuk janë vullnete dhe interesa që punohen për Shqipërinë nga SPAK-u, që të kuptohemi, ajo që mendoj unë. Dhe në këtë lloj situate ai po krijon një, një konflikt publik, a thua se i preu barku atij për 37 milionë euro që tallet. Me 37 milionë euro ai tallet.

Pra ai buxhetet i çon sipas qejfit të vet në gjëra që nuk i kanë prodhuar asnjë gjë, sepse ky vend sot nuk ka GDP nga ekonomia. Pra nuk ka GDP nga investimet e qeverisë”,- tha Shehaj./CNA





Lajmet e fundit nga