web counter
LEXO PA REKLAMA!

SHKARKO APP

App Store
Google Play

E fundit!

x

Koalicioni Pro Familjes thirrje Prokurorisë së Përgjithshme: Hetoni rastin e Luana Myrtos

13 Nëntor 2025, 19:59, Aktualitet CNA

Koalicioni Pro Familjes thirrje Prokurorisë së Përgjithshme:

Koalicioni Pro Familjes në një deklaratë publike ka shprehur shqetësimin lidhur me historinë e abuzimit që Luana Myrto ka ndarë në emisione televizive.

Në deklaratën e Koalicionit i bëhet thirrje Prokurorisë së Përgjithshme që të hetojë rastin e saj dhe të shqyrtojë me kujdes të gjithë deklaratat e dhëna.

Sipas tyre, Luana Myrto në dëshminë e saj implikon institucione që duhet të funksionojnë për të mbrojtur fëmijët nga rreziqet e jashtme. Koalicioni shton se jeta dhe identiteti i fëmijëve në Shqipëri janë në rrezik edhe nga vetë strukturat që duhet t’i mbrojnë.

DEKLARATA PUBLIKE

Koalicioni Shqiptar Pro Familjes dhe Jetës ka ndjekur me shqetësim situatën e Ersildit, ose siç njihet ndryshe, Luana Myrto.

Ne, si Koalicion, shprehim shqetësimin tonë lidhur me historinë e abuzimit dhe me procedurat e dyshuara si të shkelura nga Qendra LGBT, si edhe për mënyrën e shfrytëzimit që i është bërë Luanës, sipas dëshmisë së saj në emisionet televizive “Review” në Euronews Albania më 8 nëntor, dhe “Opinion” në TV Klan më 11 nëntor.

Koalicioni Shqiptar Pro Familjes dhe Jetës ka qenë në kontakt me histori të tjera të ngjashme të shfrytëzimit të fëmijëve minorenë, si në rastin e Luanës, të cilët janë gjenderizuar nga institucione apo organizatat e interesuara.

Ne i bëjmë apel Prokurorisë së Përgjithshme që të hetojë rastin e Luana Myrto dhe të shqyrtojë me kujdes të gjitha elementet e dëshmisë së saj, të cilat implikojnë institucione që ekzistojnë për të mbrojtur fëmijët nga rreziqet e jashtme. Kjo tregon se jeta dhe identiteti i fëmijëve në Shqipëri janë realisht në rrezik, pasi ata po gjenderizohen nga vetë strukturat që duhet t’i mbrojnë.

Me respekt,

Koalicioni Shqiptar Pro Familjes dhe Jetës. /CNA

Koalicioni Pro Familjes thirrje Prokurorisë së Përgjithshme:





Lajmet e fundit nga