web counter
LEXO PA REKLAMA!

SHKARKO APP

App Store
Google Play

E fundit!

x

Kërcënimi ndaj Endri Meksit/ Gazetari: Policia dhe Prokuroria të hetojnë me prioritet ngjarjen

30 Mars 2026, 22:49, Aktualitet CNA

Kërcënimi ndaj Endri Meksit/ Gazetari: Policia dhe Prokuroria të

Gazetari Ylli Rakipi në emisionin “Të Paekspozuarit” ka folur për kërcënimet ndaj pronarit të MCN TV, Endri Meksi dhe deklaratat e këtij të fundit.

Rakipi tha se policia dhe prokuroria duhet të hetojnë me prioritet ngjarjen, pasi kërcënimi ka ndodhur brenda dyerve të televizionit.

Më tej, gazetari shprehet se në televizion pas këtij incidenti, ka një situatë terrori.

 

 

“Sikundër jeni bërë me dije, nga një intervistë e pronarit të MCN TV, Endri Meksi, ai pretendon se është kërcënuar dy herë, në ambjentet e televizionit dhe për këtë, ka denoncuar në Policinë e Shtetit. Mbrëmjen e sotme, ne nuk do të bëjmë një emision për të qarë, siç ndodh zakonisht nëpër media, ku vënë kujën, kur pronarët kanë probleme. Por, do të bëjmë thirrje që Policia dhe Prokuroria të hetojnë me prioritet ngjarjen, pasi është brenda dyerve të televizionit, këto pretendime shumë serioze dhe tronditëse, që zoti Meksi ka ngritur.

Për shkak të kësaj ngjarje, në MCN TV, ka një situatë terrori. Sapo mbërrin këtu, ka njerëz që shfaqen të frikësuar dhe thonë, duan të vrasin Endri Meksin. Ka edhe të tjerë që thonë, siç ndodh në popullatën tonë, këto i bën Endri Meksi vetë. Ndaj Meksi ka vajtur në Prokurori. Kjo situatë e ka bërë më të vështirë punën e të gjithëve.

Për këtë arsye, për shkak se kjo është një media, autoritetet kanë detyrimin të hetojnë dhe të zbardhin ngjarjen. Ne bëjmë thirrje dhe urojmë që ta zbardhin sa më parë”, deklaroi Rakipi. 





Lajmet e fundit nga