web counter
LEXO PA REKLAMA!

SHKARKO APP

App Store
Google Play

E fundit!

x

“Janë rritur kontrollet e ushtruara nga Tatimet dhe Doganat”/ Malaj: Arritje e qeverisë, digjitalizimi i administratës

30 Mars 2026, 13:03, Aktualitet CNA

“Janë rritur kontrollet e ushtruara nga Tatimet dhe Doganat”/

Ministri i Financave, Petrit Malaj, ka zhvilluar një konferencë për shtyp për rritjen e të ardhurave, përmirësimin e shërbimeve digjitale dhe zhvillimin e sistemeve përmes Inteligjencës Artificiale, si objektiva strategjikë drejt arritjes së standardeve europiane.

Në konferencë ishin të pranishëm edhe Besmir Beja, Drejtor i Përgjithshëm i Doganave dhe Ilir Binaj, Drejtor i Përgjithshëm i Tatimeve.

Malaj gjatë fjalës së tij u shpreh se në krahasim me vitin 2024, vitin e kaluar ka pasur një rritje të kontrollit të ushtruar nga Drejtoria e Tatimeve dhe Doganave. Ndër të tjera ministri cilësoi si arritjen më të madhe të qeverisë, administratën e digjitalizuar që sipas tij jep shërbim në çdo kohë dhe pa asnjë kosto.

“Kemi rritje të kontrolleve të ushtruara nga Tatimet dhe Doganat. Nga ana e administratës doganore kemi një ulje të kohës së kontrolleve fizike në Kanalin e Kuq me 92 minuta krahasuar me vitin 2024. Kemi një çlirim më të shpejtë të mallrave në tregun shqiptar. Numri i kontrolleve të ushtruara ndaj tatimpaguesve kanë qenë 3707 inpektime ndaj 142, 769 tatim paguesve aktivë. Kemi një rritje të efikasitetit të kontrolleve dhe ulje të numrit të kontrolleve të ushtruara fizikisht. Tashmë kontrollet bëhen në distancë përmes sistemeve të digjitalizuara dhe nuk ka nevojë për prezencë të inspektorëve. Kemi një administratë të digjitalizuar dhe në shërbim të qytetarëve 24/7. Janë 47 shërbime që ofrohen nga administrata doganore dhe të gjitha janë online. Administrata tatimore ofron 49 shërbime onlinë nga 60 gjithsej. Brenda 2026 do të digjitalizohen 11 shërbimet e mbetura.  Digjitalizimi një nga arritjet më të mëdha të kësaj qeverie, ka rritur cilësinë dhe shërbimet ndaj qytetarëve të cilat janë me kosto zero. Kemi vijuar me punën sa i përket formalizimit të sektorëve që i kemi identifikuar me risk. Ka qenë sektori i turizmit, ndërtimit dhe hidrokarbureve. Këto nisma që kemi pasur kanë dhënë nisma konkrete. Ndërgjegjësimi i operatorëve dhe monitorimi në distancë kanë dhënë rezultate të prekshme. Kemi rritje të tatimit mbi të ardhurat personale të paguara apo të kontributeve të sigurimeve shëndetësore dhe shoqërore. Kemi një ulje të ndjeshme dhe në fenomenin e deklarimit të pagave minimale. Hapi i radhës do të jetë kontrolli i sektorit mjekësor dhe atij personal e estetik. Është një sektor që e kemi identifikuar me risk të lartë”, u shpreh Malaj. /CNA





Lajmet e fundit nga