web counter
LEXO PA REKLAMA!

SHKARKO APP

App Store
Google Play

E fundit!

x

Përjashtimi i anëtares së Kryesisë / Reagon dega e PD-së në Elbasan

29 Mars 2026, 21:54, Aktualitet CNA

Përjashtimi i anëtares së Kryesisë / Reagon dega e

Dega e PD-së në Elbasan ka reaguar lidhur me përjashtimin e Doris Madhit nga Kryesia e partisë.

Në deklaratën e mëposhtme thuhet se Doris Madhi ka qenë e angazhuar në krah të PSD-së në zgjedhjet e 11 majit dhe jo në krah të PD-së.

Më tej thuhet se kryesia e degës së PD Elbasan ka marrë vendim unanim për largimin e saj nga listat e anëtarësisë, për shkak të shkeljeve të rënda në veprimtarinë e saj si anëtare e PD-së.

Deklarata e Degës së Partisë Demokratike Elbasan:

Në lidhje me reagimin e znj. Doris Madhi, sqarojmë opinionin publik se:

• Znj. Doris Madhi nuk ka qenë e përfshirë në fushatën e zgjedhjeve të 11 Maj në krah të Partisë Demokratike.

• Ajo është angazhuar maksimalisht në krah të subjektit politik Partia Socialdemokrate (PSD), duke bërë thirrje publike në rrjetet sociale që demokratët të votonin kandidatin e PSD për qarkun e Elbasanit.

• Gjatë procesit të numërimit të votave në Prrenjas, znj. Madhi ka qenë e angazhuar si vëzhguese e PSD.

Në zbatim të Udhëzimit nr. 01, datë 20.01.2026 dhe në përputhje me Statutin e Partisë Demokratike, kryesia e degës së PD Elbasan ka marrë vendim unanim për largimin e saj nga listat e anëtarësisë, për shkak të shkeljeve të rënda në veprimtarinë e saj si anëtare e PD-së.

Ky vendim është i bazuar në parimet e transparencës dhe respektimit të rregullave statutore, dhe bëhet publik për të sqaruar qytetarët e Elbasanit dhe të gjithë demokratët. /CNA





Lajmet e fundit nga