web counter
LEXO PA REKLAMA!

SHKARKO APP

App Store
Google Play

E fundit!

x

29-vjetori i tragjedisë së Otrantos/ Përkujtohen 81 viktimat, shpërthen në lot ministrja

28 Mars 2026, 14:02, Aktualitet CNA

29-vjetori i tragjedisë së Otrantos/ Përkujtohen 81 viktimat,

Në qytetin e Vlorës janë zhvilluar këtë të shtunë homazhe në kujtim të viktimave që humbën jetën në kanalin e Otrantos. 

Sot shënohet 29-vjetori i tragjedisë së Otrantos, një nga ngjarjet më të rënda në historinë e vendit.

Në ceremoninë përkujtimore morën pjesë ministrja e Shtetit për Marrëdhëniet me Parlamentin, Erjona Ismaili, njëkohësisht organizatore e aktivitetit, si dhe kryetarja e Bashkisë Vlorë, Brunilda Mersini, përfaqësues të pushtetit vendor e qendror, deputetë dhe familjarë të viktimave.

Qytetarë të shumtë u mblodhën pranë bregdetit për të nderuar kujtimin e 81 personave që humbën jetën në këtë tragjedi.

Me iniciativë të ministres Ismaili, 81 karrige të vendosura buzë detit simbolizuan jetët e ndërprera, ndërsa hedhja e luleve në det shërbeu si një homazh i heshtur.

Gjatë fjalës së saj, Ismaili u shpreh se kjo ngjarje mbetet një plagë e hapur për qytetin dhe gjithë vendin, duke theksuar rëndësinë e kujtesës dhe përkujtimit të përvitshëm për të shmangur përsëritjen e tragjedive të tilla.

Nga ana tjetër, familjarët e viktimave shprehën dhimbjen dhe zhgënjimin e tyre, duke e cilësuar ngjarjen si të shmangshme dhe duke theksuar se vijojnë të përballen me pasoja të rënda psikologjike. Sipas tyre, vendimet e dhëna nga drejtësia italiane nuk kanë reflektuar plotësisht të vërtetën dhe kanë qenë të padrejta.

Tragjedia e Otrantos ndodhi më 28 mars 1997, kur një anije shqiptare u përplas dhe u përmbys në Kanalin e Otrantos gjatë një operacioni të forcave detare italiane, duke shkaktuar humbjen e jetës së 81 personave, mes tyre edhe fëmijë./ CNA





Lajmet e fundit nga