web counter
LEXO PA REKLAMA!

SHKARKO APP

App Store
Google Play

E fundit!

x

"Shteti do të futet në tregun e naftës"/ Rama: Shqipëria, e para në rajon për cilësinë e prokurimeve publike

28 Mars 2026, 18:30, Aktualitet CNA

"Shteti do të futet në tregun e naftës"/ Rama:

Kryeministri Edi Rama u shpreh ditën e sotme se po bëhen përgatitje që shteti të futet në tregun e naftës. Ai u shpreh se kjo masë po ndërmerret nga qeveria për të garantuar një çmim më të arsyeshëm për shitjen e naftës.

“Po përgatitemi për një ndryshim të madh. Duhen krijuar disa kushte që të futet edhe shteti në këtë treg. Dhe më këtë futje shteti do të garantojë rezervat për cdo rast.Gjithashtu të ndikojë në çmimin e naftës. Duke e sjellë në parametra të arsyeshëm. Po përgatime jo vetëm të futemi me komponent shtetëror, por të fusim në tregun e naftës disa risi që kanë të bëjnë me kapacitetet teknologjike. Për të markuar naftën duke e bërë të pamundur shmangien nga detyrimet fiskale. Markuesi i vjetër ishte një bojë që lehtësisht mund të manipulohej. Do garantojmë ndjekjen e të gjithë naftës tranzit që është një nga burimet e kontrabandës. Të gjitha këto do të rrishin të ardhurat në buxhetin e shtetit dhe do të garantohet një çmim më i arsyeshëm i naftës”, tha Rama.

Ndër të tjera ai foli edhe për Paketën e Maleve dhe prokurimet publike. Rama tha se kryebashkiakët që duan të rikandidojnë duhet të sjellin në tryezë minimalisht 10 kontrata të firmosura për Paketën e Maleve. Ai u shpreh se Shqipëria sot radhitet e para në rajon për cilësinë e prokurimeve publike. 

"Kemi shumë aplikime dhe kemi vendosur një normë, një objektiv që të gjitha ata kryetarë bashkish që duan të rikandidojnë, nuk mund të rikandidojnë edhe sikur të kenë bërë mrekullira, nuk mund të rikandidojnë nëse nuk kanë vënë me firmë 10 kontrata minimumi për Paketën e Maleve. Në momentin që hapet kjo rrugë të tjerët vijnë më lehtë. Mendoni se Paketa e Maleve është bërë për oligarkët por në Shqipëri nuk ka oligarkë. Paketa e Maleve lidhet me njerëzit që kanë një pronë të trashëguar dhe nuk e zhvillojnë dot se nuk kanë titullin e pronësisë. Këta njerëz mund ta zhvillojnë pronën duke ju drejtuar bashkisë dhe bashkia pastaj bën shpalljen e sipërfaqeve të pretenduara dhe shikon nëse fqinjët kanë pretendime për atë tokë. Nëse fqinjët nuk kanë atëherë procedohet. Nëse ka pretendime nuk procedohet. Aty ku titujt janë të qartë është çështje e vetë pronarit. Ky pastaj përfiton procedurë të shpejtë dhe financim. Tani shumë gjëra nuk janë siç kanë qenë. Ne këmi kaluar nga të fundit në të parët për cilësinë e prokurimeve publike. E-Albania ka ndryshuar jetën e njerëzve dhe kemi më shumë gjëra për ta përmirësuar më shumë atë shërbim. Në këtë proces ku do të bëjmë zgjedhjet dhe ripërtëritjen e organizatës, të mos bëjmë diçka formale por diçka të saktë. E kemi mësuar që kur përgatitemi në kohë dalim shumë mirë në rezultat. Kur i lë zvarrë ata nuk rikuperohen më për shkak të kohës", tha kreu i qeverisë. /CNA





Lajmet e fundit nga