web counter
LEXO PA REKLAMA!

SHKARKO APP

E fundit!

x

Gara për kreun e Policisë së Shtetit/ Lala: Ja çfarë sfidash e presin drejtorin e ri

28 Mars 2026, 17:31, Aktualitet CNA

Gara për kreun e Policisë së Shtetit/ Lala: Ja çfarë

Gazetarja Klodiana Lala ka folur lidhur me garën për zgjedhjen e drejtorit të ri të Përgjithshëm të Policisë së Shtetit. Në një intervistë televizive, Lala tha se lista e kandidatëve pas procesit të intervistimit dhe pikëzimit është dorëzuar në duart e ministrit të Brendshëm, Besfort Lamallarit.

Ajo u shpreh se disa nga kandidatët kanë patur një performancë shumë të mirë. Ndër të tjera, gazetarja foli edhe lidhur me sfidat me të cilat pritet të përballet drejtori i ri i Policisë së Shtetit, pas marrjes së detyrës.

“Është finalizuar procedura për intervistimin dhe pikëzimin për 14 kandidatët në garë për drejtues të Policisë së Shtetit. Kandidtaët në garë si e thamë janë 14. Ishin dhe dy gra por u skualifikuan se nuk plotësonin kriteret formale. Kandidatët i janë përgjigjur intervistës së komisionit që përbëhet nga zëvendësministrja e Brendshme, sekretarja e Përgjithshme e ministrisë së Brendshme dhe drejtuesi i AMP-së. Ky komision ditën e djeshme është mbledhur dhe ka dorëzuar listën në duart e ministrit të Brendshëm, Besfort Lamallari.

Disa prej kandidatëve kanë patur një performancë shumë të mirë. Emrin e ri do ta propozojë ministri i Brendshëm dhe më pas do ta dërgojë te Këshilli i Ministrave. Cilido që të zgjidhet do të ketë një sfidë shumë të madhe përpara.

Policia e Shtetit është aktualisht në kuota më të ulëta, ka mungesë të besimit të publikut të policia, ka kriminalizim. Sfida e parë e drejtorit që do të zgjidhet do të jetë përcaktimi i emrave që do të drejtojnë policitë në qarqe. Nuk besoj se drejtori i ri do të lërë në krye të policive në qarqe emrat që kishte lënë Ilir Proda. Sfida e për drejtorin e ri do të jetë e jashtëzakonshme duke parë edhe zhvillimet e reja, si protestat e opozitës dhe qasjet ndaj tyre”, tha gazetarja. /CNA





Lajmet e fundit nga