web counter
LEXO PA REKLAMA!

SHKARKO APP

App Store
Google Play

E fundit!

x

Skandali i procesverbalit/ Vazhda e kërcënimeve të hapura të Erion Veliajt

29 Mars 2026, 15:02, Aktualitet CNA

Skandali i procesverbalit/ Vazhda e kërcënimeve të hapura të

Detajet nga proceverbali i lexuar në seancën e dytë në themel në Gjykatën e Posaçme hodhën dritë mbi një tjetër rast mes shumë skandaleve të kryebashkiakut të arrestuar të Tiranës, Erion Veliaj.

Dokumentet zyrtare hedhin poshtë pretendimet e mëparshme të Veliajt dhe ish-deputetit të Partisë Socialiste, Plarent Ndreca, që u bë avokati i tij, se aktet e SPAK-ut i janë dorëzuar pa procesverbal dhe se oficerët e policisë janë treguar arrogantë ndaj tij.

Dy prokurorët e Prokurorisë së Posaçme, Altin Dumani dhe Ols Dado, lexuan gjatë seancës procesverbalin që është mbajtur në momentin kur oficerët e Byrosë Kombëtare të Hetimit dhe Drejtorisë së Përgjithshme të Burgjeve kanë shkuar për t'i dorëzuar aktet Erion Veliajt në burg.

Procesverbali evidentoi një ngjarje sa të pabesueshme, aq edhe të pritshëm për një kryebashkiak  të rrethuar nga skandalet, si Erion Veliaj. Këtë herë u mësua se në momentin kur oficerët e BKH-së shkuan të dorëzojnë aktet e SPAK-ut te Veliaj në paraburgim, ky i fundit jo vetëm që refuzoi të pranojë materialet, por iu kthye me një gjuhë kërcënuese dhe fyese, veçanërisht drejt njërit prej oficerëve, Samet Gurgurit.

Veliaj e ka kërcënuar Gurgurin me fjalët "ty dhe prokurorëve nuk jua fal", ndërsa ky nuk është rasti i parë i kërcënimeve ndaj oficerit.

“Procesverbali e thotë qartë. Në zbatim të urdhrit kanë shkuar në IEVP Durrës dhe kanë kontaktuar me Erion Veliaj. Që në fillim, Erion Veliaj ka shfaqur sjellje kundërshtuese, edhe fyese ndaj hetuesve të BKH. Ka qenë reagim jo etik dhe fyes, duke refuzuar të marrë aktet. Në këto kushte është larguar dhe ka vënë në dijeni të gjithë zinxhirin në burg, që nga juristët e deri tek drejtuesit. Ata të gjithë së bashku kanë shkuar t’i sqarojnë Erion Veliajt arsyen. Është kundërshtuar dhe Veliaj i është drejtuar me fjalët  “Gruaja ime abortoi dy herë. Më keni shkatërruar. Ols Dado ka 30 apartamente. Ky pis, abortin e dy fëmijëve të mi s’kam për ta falur.” Më pas, në një dhomë janë vendosur nga Samet Gurguri dhe juristët e IEVP dokumentet dhe aktet në paraburgim”,-tha prokurori Ols Dado teksa lexoi procesverbalin.

Ky sjellje nuk është një reagim impulsiv, por pjesë e një “normaliteti” të Veliajt, që vjen në një kohë kur avokatët e tij i kishin administruar provat dhe aktet e hetimit prej të paktën 7 muajsh.

Reagimi i Erion Veliajt duket si një tentativë për të vepruar sikur është ende në zyrën e kryetarit të bashkisë, ndërkohë që prej më shumë se një viti ndodhet në qelitë e Burgut të Durrësit.  

Veliaj, kërcënon dhe fyen haptazi, me pretendimin se pushteti dhe statusi politik mund ta vendosin mbi ligjin, mbase duke harruar se ndaj tij rëndojnë 13 akuza për 5 vepra të rënda penale, ndërsa synon t’i shmanget drejtësisë përmes taktikave të përsëritura, lobimeve, artikujve të paguar e mediave të tij të kapura, edhe pse është i bindur se do të dënohet./CNA





Lajmet e fundit nga