web counter
LEXO PA REKLAMA!

SHKARKO APP

App Store
Google Play

E fundit!

x

"Shqipëria ka marrë kushtet për mbylljen e 31 kapitujve"/ Dhuka: Në pritje të vlerësimit për rendin dhe drejtësinë 

30 Mars 2026, 12:03, Aktualitet CNA

"Shqipëria ka marrë kushtet për mbylljen e 31

Ministrja e Shtetit dhe Kryenegociatorja, Majlinda Dhuka, ka folur lidhur me procesin e integrimit të Shqipërisë në Bashkimin Europian. Dhuka u shpreh se Shqipëria aktualisht ka marrë kushtet për mbylljen e 31 kapitujve.

Më tej ajo bën me dije se për dy kapituj, konkretisht rendin dhe drejtësisë, kushtet për mbylljen e negociatave do t'i jepen Shqipërisë pas mbylljes së piketave të ndërmjetme që janë në proces.

“Kushtet e ndërmjetme janë arritje sidomos në lidhje me rendin, luftën kundër krimit të organizuar, drejtësinë dhe të drejtat e njeriut. Shqipëria ka marrë vlerësimin pozitiv të Komisionit Europian në shkurt, ndërsa në mars vendet anëtare po diskutojnë lidhur me plotësimin e kushteve në këto fusha. Në javët e ardhshme jemi të gatshëm të plotësojmë çdo kërkesë që vjen nga vendet. Me të marrë vlerësimin nga ta Shqipëria duhet të kalojë në fazën e kapitujve. Me çeljen e negociatave, BE i ka dhënë Shqipërisë kushtet për mbylljen e 31 kapitujve. Në lidhje me dy kapituj, rendi dhe drejtësia, këto kushtet për mbylljen e negociatave do t'i jepen Shqipërisë, pas mbylljes së piketave të ndërmjetme që është në proces. Gjatë 2025 kemi punuar për çeljen, kushtet e ndërmjetme dhe kushtet e mbylljes sikurse e komunikonte Komisioni Europian në çeljen e negociatave”, shprehet Dhuka. 

Kryeministri Edi Rama ka mbledhur sot ministrat për të bërë një panoramë të procesit të negociatave të Shqipërisë me Bashkimin Europian. /CNA





Lajmet e fundit nga