web counter
LEXO PA REKLAMA!

SHKARKO APP

App Store
Google Play

E fundit!

x

Ndërron jetë i dënuari me burgim të përjetshëm në Korçë

30 Mars 2026, 13:28, Aktualitet CNA

Ndërron jetë i dënuari me burgim të përjetshëm

Një i dënuar me burgim të përjetshëm ka ndërruar jetë në spitalin rajonal të Korçës ditën e sotme. Sipas njoftimit të Drejtorisë së Përgjithshme të Burgjeve, Hysni Repaj, vuante dënimin për veprat penale “Vrasje me dashje në lidhje me një krim tjetër” dhe “Armëmbajtje pa leje”.

Repaj u dërgua me urgjencë në spitalin e Korçës për shkak të rrahjeve të ulëta të zemrës dhe më pas pësoi arrest kardiak respirator. Ai ndërroi jetë pavarësisht ndërhyrjeve mjekësore.

"Sot, më datë 30.03.2026, rreth orës 09:40, është shoqëruar me urgjencë në ambientet e Spitalit Rajonal Korçë i dënuari me burgim të përjetshëm, Hysni Qamil Repaj, i datëlindjes 15.01.1962, lindur dhe banues në Shkodër.

I dënuari vuante dënimin për veprat penale “Vrasje me dashje në lidhje me një krim tjetër” dhe “Armëmbajtje pa leje”, të parashikuara nga nenet 77 dhe 278 të Kodit Penal. Gjatë vuajtjes së dënimit, ai është trajtuar edhe për probleme të shëndetit mendor nga mjeku psikiatër.

Në konsultën e kryer sot nga mjeku i institucionit, Pajtim Hoxhaj, u konstatua përmes oksimetrit se të rrahurat e zemrës ishin të ulëta (bradikardi). Për këtë arsye, i dënuari u dërgua urgjentisht në shërbimin e urgjencës së Spitalit Rajonal Korçë për vlerësim të mëtejshëm nga mjekët specialistë.

Gjatë procedurave të ekzaminimit në këtë spital, gjendja shëndetësore e të dënuarit u përkeqësua, duke përfunduar në arrest kardiak respirator. Pavarësisht ndërhyrjes dhe ndihmës mjekësore të dhënë, ai nuk arriti të rikthehej në jetë, duke rezultuar në humbjen e jetës”, thuhet në njoftimin e Drejtorisë së Burgjeve. /CNA





Lajmet e fundit nga