web counter
LEXO PA REKLAMA!

SHKARKO APP

App Store
Google Play

Këlliçi: Klodian Zoto ndodhet në Tiranë, nuk ka ikur jashtë

9 Prill 2024, 20:58, Aktualitet CNA
Këlliçi: Klodian Zoto ndodhet në Tiranë, nuk ka ikur
Drejtuesi politik i PD-së për Tiranën, Belind Këlliçi

Drejtuesi politik i PD-së për Tiranën, Belind Këlliçi, ka bërë një deklaratë të fortë, teksa ka folur për aferën e inceneratorëve dhe për njerëzit që fshihen pas saj.

Këlliçi tha se Klodian Zoto ndodhet ën Tiranë dhe nuk ka ikur jashtë shtetit.

Ai deklaroi në emisionin e Alba Alishanit se këtë informacion e ka nga burime dhe nga fotot e makinës me të cilën lëviz Zoto në kryeqytet.

“Klodian Zoto është personi në kërkim ndërkombëtar, por që unë e kam thënë dhe sot e rikthen nga studioja juaj dyshimet janë të arsyeshme se ndodhet në Tiranë dhe është këtu, nuk ka ikur jashtë. Dyshimet janë nga informacione që kanë mbërritur, nga denoncime që unë kam bërë më parë, nga dokumente që kam publikuar edhe më parë, nga foto të makinës me të cilën ka lëvizur dhe vijon të lëvizë Klodian Zoto në Tiranë dhe nga informacione që i kemi bërë publike”, theksoi ai.

Kujtojmë se edhe gazetari Elvi Fundo ka deklaruar më parë se Zoto ndodhet në Tiranë. Ai deklaroi disa muaj më parë se Zoto është braktisur nga bashkëpunëtorët e tij, teksa i bëri thirrje të bëhet bashkëpunëtor i drejtësisë./ CNA





Lajmet e fundit nga