web counter
LEXO PA REKLAMA!

SHKARKO APP

App Store
Google Play

E fundit!

x

Balluku jep lajmin: Së shpejti, Gjirokastra me aeroport

9 Prill 2024, 12:33, Aktualitet CNA

Balluku jep lajmin: Së shpejti, Gjirokastra me aeroport

Numri dy i qeverisë njëkohësisht ministrja e Infrastrukturës dhe Energjetikës, Belinda Balluku ka deklaruar se shumë shpejt do të nisë procesi për ndërtimin e aeroportit të ri në Gjirokastër.

Balluku tha se ka ardhur koha për ta kthyer turizmin në një industri që luan rol të rëndësishëm në rritjen ekonomike të vendit.

“Që t’i marrin më të mirën vendit, një vend të cilin zoti e ka bekuar bujarisht me male të larta, dete blu dhe me fusha dhe me të gjitha mirësitë që dalin nga toka e këtij vendit, që ju tashmë duke na vizituar, keni provuar kulinarinë.

Të gjitha këto ka ardhur koha t’i organizojmë, t’i fusim në një autostradë të duhur për ta kthyer turizmin jo në një arritje gjenetike por në një industri të mirëfilltë që luan rol të rëndësishëm në rritjen ekonomike të vendit.

Shifrat kanë ardhur duke u rritur dhe duke e bërë Shqipërinë në një nga vendet e para në këtë 2 vjeçar për sa i përket zhvillimit turistik dhe numrit të vizitorëve. Mua më duhet të kontribuoj fuqishëm sa i përket ngritjes së intrastrukturës së dobishme për këtë sektor të ri dhe të brishtë në vend.

Në 2018 kur qeveria vendosi në atë kohë të nisë një strategji për zhvillimin, me të vërtetë pati shumë skeptikë, kjo ndodh shpesh në politikë, të cilët thonë se pse duhen aeroportet e reja në një vend, kur edhe i vetmi që ndodhej në Tiranë pothuajse ishte në 50 përqind të kapaciteteve.

Pavarësisht se thuhet shpesh se erdhi koha për këtë rritje ekonomike dhe sukses në turizëm nuk është e vërtetë. Kohën e kanë pasur të gjithë para nesh por për ta koha nuk erdhi. Flitet për një dekadë të tërë dhe punë të planifikuar dhe sot përkthehet në rezultate.

Vetëm në pak muaj do të kemi aeroportin më të madh në Ballkan. Pas një studimi me ministrinë e turizmit, kemi marrë një vendim të ri për të nisur procesin për një aeroport në jug të vendit duke e mbyllur kurorën e avioacionit civil, në Kukës, në Tiranë, në Vlorë dhe më pas në Gjirokastër, një nga zonat më interesante për turizmin”, u shpreh Balluku./ CNA





Lajmet e fundit nga