web counter
LEXO PA REKLAMA!

SHKARKO APP

App Store
Google Play

E fundit!

x

Myftiu i Korçës, mesazh për Fitër Bajramin: Dita e harmonisë shpirtërore dhe solidaritetit

9 Prill 2024, 14:03, Aktualitet CNA
Myftiu i Korçës, mesazh për Fitër Bajramin: Dita e
Myftiu i Korçës, Ledian Cikalleshi

Myftiu i Korçës, Ledian Cikalleshi, ka bërë sot urimin e tij për festën e Fiteër Bajramit.

Në fjalën e tij, Myftiu tha se kjo është dita e shpërblimit, e harmonisë shpirtërore, solidaritetit, e vëllazërisë dhe të afrimit me njëri-tjetrin.

“Të nderuar besimtarë myslimanë të Qarkut të Korçës, motra dhe vëllezër, në emër të Myftinisë së Zonës Korçë dhe në emrin tim personal, ju përshëndes me paqen dhe sigurinë që vjen prej Krijuesit tonë Mëshirues dhe Mëshirëbërës dhe ju uroj gëzuar Fitër Bajramin, ditën e shpërblimit, e harmonisë shpirtërore, solidaritetit, e vëllazërisë dhe të afrimit me njëri-tjetrin.

Ne po e përcjellim me përmallim Muajin e Bekuar të Ramazanit, me shpresën e madhe, që Zoti të na ketë falur mëkatet tona dhe të ketë pranuar lutjet, adhurimet dhe sakrificën tonë. Ramazani na mësoi se mirësitë dhe begatitë që na ka dhënë i plotfuqishmi, marrin kuptim, vetëm atëherë kur ndahen me të tjerët me synim fitimin e kënaqësisë së Zotit.

Ky muaj i madhërueshëm na mësoi se sofra e iftarit është sofra e harmonisë dhe e vëllazërisë, mes besimtarëve, mes vëllezërve dhe miqve, mes të pasurve dhe të varfërve. Të gjithë jemi të barabartë para Krijuesit, dallimi është vetëm në devotshmëri, në përkushtim, në bujari dhe te sinqeriteti në adhurim, lutje dhe vepër të mirë që bëjmë.

Lutjet, adhurimet, sakrifica, dhe ripërtëritja shpirtërore që përjetuam gjatë muajit të bekuar të Ramazanit na forcon dhe motivon ta shohim festën e Fitër Bajramit si ditën e shpresave të reja, si ditën e të kujtuarit dhe solidaritetit me njëri-tjetrin, si ditën e ripërtëritjes së vëllazërisë, miqësisë dhe dashurisë për njeriun dhe njerëzoren.

Fitër Bajrami është nesër, ditën e mërkurë, dt.10 prill 2024, ceremonia e faljes për dy xhamitë e qytetit do të zhvillohet para oborrit të xhamisë së vjetër “Iljas Bej Mirahori”, ndërsa në zonat e tjera në xhamitë përkatëse.

Janë të mirëpritur të gjithë besimtarët, burra dhe gra, fëmijë e të moshuar, të marrin pjesë në ceremoninë e faljes së Bajramit, e cila fillon në orën 06:30 dhe kulmon me faljen e namazit të Bajramit në orën 07:00.

Ceremonia e pritjes dhe urimeve do të zhvillohet në ambientet e Myftinisë Korçë mes orës 10.00 – 12.00.

Më lejoni së fundmi në këto çaste të gëzuara të festës së Fitër Bajramit, këtij momenti të gëzimit dhe të lehtësimit shpirtëror, t'ju përcjell mesazhet e mia më të sinqerta për një jetë sa më të lumtur, për shëndet dhe mirësi. Gëzuar dhe për shumë vjet Fitër Bajramin!”/ CNA





Lajmet e fundit nga