web counter
LEXO PA REKLAMA!

SHKARKO APP

App Store
Google Play

E fundit!

x

Makina fluturon mbi kokat e 6 kalimtarëve dhe i zë poshtë/ Një 23-vjeçare në koma

9 Prill 2024, 14:27, Aktualitet CNA
Makina fluturon mbi kokat e 6 kalimtarëve dhe i zë poshtë/
Pamje nga aksidenti

Një aksident i rëndë është shënuar në aksin Prrenjas-Qafë Thanë, ku 6 persona kanë mbetur të plagosur, njëra prej të cilave një vajzë 23-vjeçare në gjendje kome, në rrezik për jetën.

Familja me 6 anëtarë ka ndaluar në ambientet e një lokali, rreth 30 m larg korsisë së rrugës dhe kanë qenë jashtë mjetit të tyre kur një makinë ka humbur kontrollin dhe i ka marrë të gjithë para.

Për pasojë 23-vjeçarja që e ka zënë mjeti poshtë është në gjendje kome, vajza tjetër 10 vjeçe ka thyer këmbën e po ashtu fraktura ka pësuar dhe vajza 6-vjeçare, të tria motra. Babai i tyre është plagosur dhe dëmtime ka marrë edhe gjyshja.

44-vjeçari që shkaktoi aksidentin Jetmir Daci, banues në Peshkopi po ndiqet në gjendje të lirë pas vendimit të Prokurorit, thotë Policia e Elbasanit, ndërsa sipas dëshmitarëve mjeti ka humbur kontrollin, pas një parakalimi të gabuar dhe ka fluturuar më pas jashtë rruge.

Drejtuesi që shkaktoi aksidentin e rëndë nga testet e kryera nga policia rezulton i dehur.

E gjithë familja po merr ndihmën mjekësore në spitalin e Traumës, ndërsa gjendja e 23-vjeçares mbetet e rëndë.





Lajmet e fundit nga