E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

“Ka mbetur Kol Balla me Kol Ballën”/ Berisha, mesazh pronarit të "ABC"-së: Opozita do të të përgjigjet

14 Shkurt 2023, 13:48, Aktualitet CNA

“Ka mbetur Kol Balla me Kol Ballën”/ Berisha, mesazh pronarit

Kreu i PD-së, Sali Berisha, i ka dërguar një mesazh mesazh pronarit të televizionit "ABC".

Por edhe ka paralajmëruar se do të përgjigjet para opozitës për shërbimin që i bën Ramës dhe Veliajt.

“Ka një pushtim të medieve. A e dini që për 'ABC'-në, u shkatërrua e gjithë industria e birrës në Shqipëri?

Për të futur 'ABC'-në në dorë, pronari i birrës 'Peja', Devolli, imponoi ndryshimin e akcizës së birrës, de facto asgjësimin e birrës në Shqipëri.

Unë i them atij, mënyrën se si po e përdor atë televizion, po bën shërbimin më të keq Kosovës, Shqipërisë, por edhe biznesit.

Opozita shqiptare do mbajë qëndrimet e saj.

U ndryshuan akcizat e birrës për të favorizuar Devollin.

U bë pazari me 'ABC'-në, dhe po të vini re, e ka shndërruar atë në një Kol Balla biss. Se ai i mban të dyja. Këtu është drejtor, aty është debator.

A ka më neveri se kjo? Kjo është vetëm njëra anë, ka edhe të tjera.

Unë denoncova këtë sot. Ne jemi miq të medias, por nëse vazhdon në këtë mënyrë ndaj opozitës, opozita do të të përgjigjet. Se ke ardhur me një mision për të shndërruar televizionin në një altoparlant Rama-Veliaj. Ky ka kaluar në ekstrem, në çmenduri.

Vjen dhe heq një seri gazetarësh. Të gjithë. Ka mbetur Kol Balla me Kol Ballën”, është shprehur Berisha./CNA.al