LEXO PA REKLAMA!

SHKARKO APP

PD “dërgon” në Kuvend dhunën ndaj gazetarëve/ Kërkon rritjen e dënimit

14 Shkurt 2023, 11:32, Aktualitet CNA

PD “dërgon” në Kuvend dhunën ndaj gazetarëve/

Duke marrë shkas nga rastet e dhunimit të gazetarëve, deputetja e Partisë Demokratike, Ina Zhupa, ka depozituar në Kuvend një projektligj.

Projekligji parashikon forcimin e masave dhe rritjen e dënimit për personat që dhunojnë, plagosin apo vrasin gazetarët.

Në një prononcim për gazetarët, deputetja u shpreh se punonjësit e mediave vënë edhe jetën në rrezik për të raportuar lajmet, ndërsa ngriti akuzat se kryeministri Edi Rama po nxit dhunën ndaj gazetarëve me termat e përdorur në daljet e tij.

"Është nga ato raste në fakt ku projektligji prek drejtpërdrejt juve dhe punën tuaj si gazetarë, por edhe të gjithë punonjësve të medias.

Atëherë, jam këtu para jush për t’ju shpjeguar depozitimin e fundit që kam bërë në parlament. Projektligji që synon ndryshimin e kodit penal të Shqipërisë, duke rritur dënimet për ata që kanosin gazetarët, ata që dhunojnë, kanosin, apo vrasin gazetarët, duke uruar që kjo e fundit të mos ndodhë kurrë.

Dënimet janë klasifikuar si dënime për shkak të deytrës dhe klasifikohen me të njëjtën ashpërsi si ato të kryera ndaj punonjësve të Policisë së Shtetit, apo ndaj mjekut.

Për shkak se edhe gazetarët sot për shkak të retorikës kundra gazetarëve që përdor Kryeministri Rama, duke i cilësuar ata si ‘kazan’, duke i cilësuar mediat e kapura, duke i çuar në riedukim, duke i përdorur këto terma të cilat nxisin dhunë, urrejtje, kanë rritur edhe rastet e dhunimeve të gazetarëve.

Vetëm  ditët e fundit kemi disa raste, ku janë dhunuar gazetarët e Report Tv, të emisionit Fiks Fare, dhe gazetarë të tjerë të cilët marrin mesazhe kërcënuese, apo kanosen gjatë kryerjes së funksioneve të tyre si gazetarë.

Mos të harrojmë që punonjësit e medias, që nga reporteri, kameramanët, gazetarët të gjithë vënë edhe jetën e tyre në rrezik shpeshherë për të raportuar lajmin. Për të qenë atje ku ndoddh lajmi 24 orë. Ju e keni parë sesi kanë raportuar kolegët tuaj, por edhe ju vetë nga zonat e tërmetit, në ditët e fushatave elektorale, kudo në çdo cep sa herë që ka një ngjarje.", tha Zhupa./ CNA.al

PD “dërgon” në Kuvend dhunën ndaj gazetarëve/

PD “dërgon” në Kuvend dhunën ndaj gazetarëve/

Lajmet e fundit nga