web counter
LEXO PA REKLAMA!

SHKARKO APP

App Store
Google Play

Ironia therëse e Mentor Kikisë për 1 Majin/ Një turmë “idiotësh” në Romë protestojnë

1 Maj 2025, 13:48, Aktualitet CNA

Ironia therëse e Mentor Kikisë për 1 Majin/ Një turmë

Gazetari dhe analisti Mentor Kikia ka ironizuar faktin që në Shqipëri Dita ndërkombëtare e Punëtorëve, 1 Maji, festohet, ndërsa në vende të Europës protestohet.

Postimi i plotë

Gëzuar 1 Majin. Na bëftë “gjak e dhjam”!

Në Romë, një turmë “idiotësh” marshojnë dhe protestojnë, meqë është 1 Maji. Punëtorë, të rinj, fermerë, pensionistë, komunistë….

Ne shqiptarët, çdo 1 Maj parakalonim para udhëheqjes. Kuadrate me ushtarë me armë, klasa punëtore, kooperativiste, të rinj e studentë, me buqeta me lule. Çfarë lumturie të shikoje udhëheqësit nga afër.

Parada e fundit u bë në vitin 1989, parakalova edhe unë si student. Çfarë krenarie….

Në vitin 1990, Ramiz Alia, meqë e dinte se komunizmi kishte ngordhur, festën e 1 Majit e bëri shëtitje nga liqeni.

Dhe që nga ajo ditë, Ramoja na e la amanet.

Çdo 1 Maj vetëm festë, asnjëherë protestë. Ai na la amanet edhe partitë që krijoi vetë disa muaj më vonë.

Dhe ne e kemi mbajtur fjalën Shoku Ramiz. Çdo 1 Maj ia fusim mish e raki. Kush nuk ka takat për mish, ha byrek, por në proteste nuk dalim.

Sindikatat që u krijuan i korruptuam, i shpartalluam, i shkrime e tani nuk kemi asnjë. Ndërsa partinë tënde e kemi në ballë. Edhe gjithë partitë e tjera që krijove ti i kemi të forta.

Gëzuar 1 Majin!/ CNA





Lajmet e fundit nga