web counter
LEXO PA REKLAMA!

SHKARKO APP

App Store
Google Play

E fundit!

x

“E veçantë dhe shumë mbresëlënëse biseda”/ Kryetarja e AMA-s takim me gjuhëtarin  Boullier dhe zyrtarë të ambasadës franceze

30 Prill 2025, 16:37, Aktualitet CNA

“E veçantë dhe shumë mbresëlënëse

Kryetarja e  AMA-s, Armela Krasniqi ka zhvilluar një takim me sociologun dhe gjuhëtarin Dominique Boullier dhe zyrtarë të ambasadës franceze në Shqipëri.

Në një postim në rrjetet sociale, Krasniqi shkruan se të pranishmit kishin shfaqur interes mbi mënyrën se funksionimit të AMA-s si ent rregullator për median audio dhe audiovizive.

 

“E veçantë dhe shumë mbresëlënëse biseda me profesorin e nderuar të Universitetit të Sociologjisë, Instituti i Studimeve Politike të Parisit (Sciences Po), sociologun dhe gjuhëtarin Z. Dominique Boullier dhe zyrtarë të lartë të Ambasadës Franceze në Shqipëri.

I ndodhur në Tiranë për një sërë aktivitetesh me tematika të aktualitetit si, e drejta e mediave në Francë dhe përdorimi i rrjeteve sociale apo mbi dëmin që i bën demokracisë përhapja virale e informacionit të pasaktë, vizita dhe biseda e organizuar në AMA ishte informuese dhe shumë e gjerë.

Z. Boullier, përveçse si studiues, është i njohur edhe si autor i disa veprave të rëndësishme që lidhen me fenomene aktuale, me interes për median dhe rregullatorët, e që lidhen me ndikimin e rrjeteve sociale në publik, fuqinë e platformave, jetën digjitale etj.

Iu përgjigja interesit të tij mbi mënyrën se funksionimit të AMA-s si ent rregullator për median audio dhe audiovizive në Shqipëri, bashkëpunimet me homologët europianë, përshtatjet ligjore me ato të BE-së dhe aktet e fundit, të miratuara. Një proces i rëndësishëm, në të cilin jemi të angazhuar vazhdimisht është edhe Edukimi Mediatik i publikut si investimi më i mirë për krijimin e një audience të mençur dhe vendimarrëse në një mjedis virtual që ndryshon çdo ditë.

Shumë interesante shkëmbimi i mendimeve, por edhe shembujve që vijnë nga Europa, në këndvështrimin social dhe mediatik, të çështjeve të diskutuara më shumë sot dhe që të përbashkët kanë risitë teknologjike”, shkruan Krasniqi./ CNA





Lajmet e fundit nga