web counter
LEXO PA REKLAMA!

SHKARKO APP

App Store
Google Play

E fundit!

x

Infektimi i të miturit me HIV në QSUT/Gazetari akuzon institucionet: S’e kanë vënë ujin në zjarr

17 Dhjetor 2022, 17:17, Aktualitet CNA

Infektimi i të miturit me HIV në QSUT/Gazetari akuzon institucionet:

Gazetari, Hysni Gurra ka reagur pas lajmit të shpërndarë në media ditën e sotme lidhur me një fëmijë të infektuar me HIV/SIDA në spitalin QSUT në Tiranë.

Gurra me tone të ashpra ka akuzuar qeverinë për heshtjen që ka treguar lidhur me këtë çështje kaq të frikshme ashtu sikurse dhe ai e cilëson.

Gazetari nëpërmjet një postimi në rrjete sociale ka bërë të ditur se prindërit  e fëmijës së infektuar kanë bërë ankesa në ministrinë e Shëndetësisë dhe kryeministri, por askush nuk ka vënë ujin në zjarr.

“Lajmet serioze në këtë vend kalojnë si lajme më-the-të-thashë (shoë bizzi)

Ditën e sotme qarkullon në mënyrë shumë periferike një lajm i cili në vetvete përveç një tragjedie familjare mund të jetë tragjik për kushedi sa familje të tjera.

Sepse bëhet fjalë për sigurinë në spitalin më të madh në vend.

Dy prindër të cilët në vitin 2021 kanë shtruar fëmijën në pediatrinë e QSUT për ftohje pretendojnë se fëmija është infektuar në qendrën spitalore më të madhe në vend me HIV/SIDA.

Për një vit rresht prindërit janë marrë me gjëmën e tyre, ndërsa spitali ka heshtur.

Kanë bërë ankesë ministrisë së shëndetësisë, letra kryeministrisë dhe nuk e ka vënë ujin në zjarr askush.

Çështja ka një vit që ka ndodhur, duke qenë se prindërit janë marrë me hallin që u ka rënë, shteti duhej të kishte kryer punë me zbardhjen e ngjarjes. Duhet të kishte një përgjigje sot për ata prindër e shumë të tjerë që mund të jenë në panik pasi kanë patur fëmijët të shtruar aty.

Mirëpo asnjë institucion nuk ka marrë në shyrtim pretendimin e prindërve.

Në një shtet normal, do duhej hetuar me detaje rasti, duheshin kryer veprime të hollësishme për të kuptuar nëse infeksioni është përhapur në fëmijë të tjerë.

Duhej ngritur e gjithë ministria e shëndetësisë në këmbë dhe organet e drejtësisë për të zbardhur çështjen.

Sepse është një çështje që ka pasoja alarmante nëse në qendrën spitalore, aq më tepër në pediatri, nuk ka siguri e higjenë për pacientët.

Prindërit e fëmijës janë testuar vetë në Gjermani e Itali dhe dalin të pastër, negativ nga HIV, fëmija del i infektuar.

Vetëm në një shtet që drejtohet nga banditët ndodh një heshtje e tillë për një problem kaq të ndjeshëm dhe të frikshëm.

Jemi një shtet afrikan, nga ato të botës së tretë, për nga mënyra se si funksionojnë gjërat këtu”, ka shkruajtur ai./ CNA.al

 





Lajmet e fundit nga