web counter
LEXO PA REKLAMA!

SHKARKO APP

App Store
Google Play

E fundit!

x

Hakmarrje për Belerin?/ Vendimi: Nga 30 marsi, shqiptarët nuk mund të hyjnë në Greqi pa leje qëndrimi

17 Mars 2024, 16:05, Aktualitet CNA

Hakmarrje për Belerin?/ Vendimi: Nga 30 marsi, shqiptarët nuk mund

Autoritetet greke kanë marrë vendimin për të ndaluar emigrantët shqiptarë të hyjnë apo dalin nga territori grek pa leje qëndrimi.

Ky lajm është bërë i ditur nga faqja "Komuniteti Shqiptar në Greqi”, ku është publikuar dhe njoftimi. Vendimi pritet të hyjë në fuqi nga 30 marsi.

Madje para kësaj date, duhet të kthehen në Greqi emigrantët që ndodhen edhe në vende të BE-së sepse ndryshe nuk do t’u lejohet hyrja. Në njoftim thuhet se rregullorja e re është shpërndarë në të gjitha pikat kufitare.

Hakmarrje për Belerin?/ Vendimi: Nga 30 marsi, shqiptarët nuk mund

Duhet theksuar se ky vendim nuk prek ata që udhëtojnë për turizëm dhe ka në fokus vetëm ata që qëndrojnë më shumë se 30 ditë në shtetin fqinj.

“Të gjithë emigrantët që jetojnë në Greqi dhe janë në pritje të lejes së qëndrimit mund të udhëtojnë drejt vendeve të tyre vetëm me leje qëndrimi.

Nëse jeni në pritje të lejes së qëndrimit dhe keni në duar vërtetimin nuk mund të udhëtoni as drejt vendit tuaj pas datës 30 mars 2024.

Mos bëni gabimin të udhëtoni sepse nuk do të lejohet hyrja. E njëjta gjë vlen edhe për të gjithë ata që ndodhen jashtë Greqisë sot.

Duhet të jenë kthyer deri në datën 30 mars ndryshe nuk do lejohet hyrja e tyre.

Kështu thotë qarkorja e re që është dërguar në të gjitha pikat kufitare.

Nga policia e aerodromit më thanë që presin ndryshime, por nuk e dimë a do ketë ndryshime dhe si do funksionojnë ato. Për momentin bëni kujdes”, thuhet në njoftim.

Ky vendim vjen pas dënimit të kryebashkiakut të zgjedhur të Himarës, Fredi Beleri.

Athina zyrtare e ka bërë me dije qëndrimin e saj në lidhje me këtë çështje duke e quajtur shkelje të të drejtave të minoriteteve./ CNA





Lajmet e fundit nga