web counter
LEXO PA REKLAMA!

SHKARKO APP

App Store
Google Play

Pastrimi i parave/ Mediat britanike: Baronët e drogës po e kthejnë Tiranën në Dubai

16 Mars 2024, 22:00, Aktualitet CNA

Pastrimi i parave/ Mediat britanike: Baronët e drogës po e

Mediat britanike “The Times” ka shkruar një artikull për pastrimin e parave nga baronët shqiptarë të drogës në sektorin e ndërtimit.

Ajo raporton se bossët e drogës pastrojnë më shumë se një miliard euro në vit në ndërtim dhe prona.

Në artikull thuhet se paratë derdhen nga Belgjika, Spanja, Holanda, Amerika e Jugut dhe Britania e Madhe.

“Kushdo që blen kokainë në Britani ka shumë të ngjarë të ndihmojë në shndërrimin e Tiranës në një Dubai të vogël. 2.85 miliardë euro janë para të pista, ndërsa 1.3 miliardë euro janë para nga droga”, shkruajnë mediat britanike.

Ata shkruajnë edhe për ndikimet e krimit në politikë, duke theksuar se “baronët e drogës blejnë vota për 50 euro në emër të miqve politikanë”.

Për pastrimin e parave ka folur edhe drejtuesi i PD-së për Tiranën, Belind Këlliçi.

Ai tha për “The Times” se paratë nuk po pastrohen vetëm me blerjen e pronave, por edhe të firmave që i ndërtojnë ato.

“Kjo është arsyeja pse ka kompani që fitojnë leje për të ndërtuar ndërtesa me vlerë dhjetëra milionë euro, të cilat kanë vetëm një kapital të deklaruar prej 1,000 €”, u shpreh Këlliçi.

“Tirana ka pasur 8 mijë apartamente bosh në 2015-ën. Që atëherë janë dhënë leje për dhjetë milionë metra katrorë ndërtim dhe tani kemi 40 mijë. Megjithatë çmimet po rriten dhe një çifti mesatar tani i duhen 64 jetë për të kursyer për të blerë një apartament të vogël”, vijoi më tej drejtuesi për Tiranën.

Media britanike shkruan se “paratë e pista kanë nxitur kërkesën për prona në Tiranë”, ndërsa thekson se çmimet e apartamenteve u rritën nga 1000 euro për metër katrorë në 2017-ën në rreth 4000 euro sot./ CNA





Lajmet e fundit nga