web counter
LEXO PA REKLAMA!

SHKARKO APP

App Store
Google Play

Gjykata Kushtetuese mblidhet sot për pagat e gjyqtarëve, ja kur pritet vendimi

17 Shkurt 2026, 16:12, Aktualitet CNA

Gjykata Kushtetuese mblidhet sot për pagat e gjyqtarëve, ja kur pritet

Gjykata Kushtetuese është mbledhur këtë të martë për çështjen e lidhur me padinë e gjyqtarëve për rritjen e pagave.

Sipas informacioneve, vendimi pritet të shpallet brenda një ore.

Në mars të vitit 2025, Unioni i Gjyqtarëve kërkoi shfuqizimin e ndryshimeve ligjore që u bënë për pagën e tyre në vitin 2023, ku u përcaktua se rroga bazë e magjistratëve do të ishte sa 36% e pagës së Presidentit, pra 153.000 lekë.

Kjo rritje u konsiderua si ulje nga ana e gjyqtarëve, për shkak se në të njëjtën kohë, qeveria rriti pagat për administratën publike.

Gjyqtarët thonë se ndryshimi i referencës së pagës së tyre nga ajo e drejtorit të departamentit në Kryeministri te ajo sa 36% e pagës së Presidentit, ua ka ulur pagën dhe nëse s’do bëhej ky ndryshim ajo do të ishte 78 mijë lekë të reja më e lartë.

Gjyqtarët kërkojnë nga Kushtetuesja ose rikthim në referencën e parë ose një përcaktim sa 54.3% e pagës së Presidentit, plus pasqyrim të çdo rritje rrogash në tërësi./CNA





Lajmet e fundit nga