web counter
LEXO PA REKLAMA!

SHKARKO APP

App Store
Google Play

E fundit!

x

Tubimi për ish-krerët e UÇK-së/ "Të gjithë shqiptarët sot në Prishtinë", Balla krah Endrit Thaçit dhe Ylli Limanit

17 Shkurt 2026, 13:17, Aktualitet CNA

Tubimi për ish-krerët e UÇK-së/ "Të gjithë

Kreu i Grupit Parlamentar të Partisë Socialiste, Taulant Balla, ndodhet në Prishtinë ku do të marrë pjesë në tubimin që do të mbahet në orën 14:00 në sheshin “Skënderbeu” në Prishtinë.

Në një video të postuar në rrjetet sociale, Balla është shfaqur me djalin e Hashim Thaçit, Endrit Thaçin dhe këngëtarin Ylli Limani. Ata kanë bërë thirrje për pjesëmarrje në protestën në mbështetje të ish-krerëve të Ushtrisë Çlirimtare të Kosovës me thirrjen “Drejtësi, jo politikë”.

“Të gjithë shqiptarët në diasporë, këtu në Kosovë, Shqipëri, Maqedoni të Veriut, Mal të Zi, Çamëri, sot jemi të gjithë në Prishtinë”, shprehet Balla në video.

Marshi pritet të nisë në sheshin “Skënderbeu” pas pak dhe organizohet nga platforma “Liria ka Emër”, e cila e ka cilësuar aktivitetin si një dëshmi të unitetit qytetar në mbrojtje të drejtësisë dhe dinjitetit.

Protesta ka marrë mbështetje mbarëkombëtare dhe për këtë qëllim edhe transporti publik sot në kryeqytetin e Kosovës është falas gjatë ditës, në mbështetje të marshit.

Ish-presidenti i Kosovës, Hashim Thaçi, ish-kryeparlamentarët, Kadri Veseli dhe Jakup Krasniqi, dhe ish-deputeti, Rexhep Selimi akuzohen nga Prokuroria e Hagës për krime lufte dhe krime kundër njerëzimit, për të cilat të katërtit janë deklaruar të pafajshëm. /CNA





Lajmet e fundit nga