web counter
LEXO PA REKLAMA!

SHKARKO APP

App Store
Google Play

E fundit!

x

Dënohen autorët e vrasjes së Ardit Spahiut/ 25 vjet burg për Franc Çopjen, përjetë për dy të tjerë

17 Shkurt 2026, 11:40, Aktualitet CNA

Dënohen autorët e vrasjes së Ardit Spahiut/ 25 vjet burg për

Gjykata e Krimeve të Rënda në Bruksel ka dënuar me 25 vjet burg Franc Çopjen për vrasjen e Ardit Spahiut. Prokurori federal kishte kërkuar burgim të përjetshëm për Çopjen, i cili akuzohet si urdhëruesi i vrasjes së Spahiut dhe kreu i një organizate kriminale.

Sipas mediave belge, gjykata e konsideroi mungesën e një precedenti penal të mëparshëm penal në Belgjikë si rrethanë lehtësuese për dënimin e Çopjes. 33-vjeçari ka qenë në paraburgim në Belgjikë që nga 29 dhjetori 2023, pas ekstradimit të tij nga Emiratet e Bashkuara Arabe.

Mikael Qosja, organizatori i dytë i atentatit, u dënua me burgim të përjetshëm. Gjykata e Krimeve të Rënda e Brukselit nuk gjeti rrethana lehtësuese në rastin e tij. Flobenc Meçja, ekzekutuesi i krimit, u dënua gjithashtu me burgim të përjetshëm.

Ndërkohë Elton Roci u dënua me 20 vjet burg, Elvis Murataj me 8 vjet, ndërsa Eljo Bitri me 5 vjet burg. Bitri ka bashkëpunuar me drejtësinë që nga nëntori i 2023 dhe është bërë bashkëpunëtor i drejtësisë. Dënimi ndaj Bitrit u vendos duke u bazuar në “pendimin e tij” për vrasjen, "dëshirën për të kthyer një faqe të re" dhe rrëfimet që ai u bëri autoriteteve gjyqësore gjatë hetimit "pavarësisht rreziqeve të konsiderueshme" me të cilat u përball.

Kujtojmë se Spahiu u ekzekutua në një pritë mafioze në 28 nëntor të 2021 në Molenbeek të Belgjikës. Ai u qëllua me armë zjarri sapo doli nga një lokal, ku ishte nën shoqërinë e mikut të tij, Florian Narazani. Viktima, ka qenë i akuzuar vite më parë si organizator i vrasjes së Gëzim Alikajt, ngjarje e ndodhur në qytetin e Elbasanit, në afërsi të Urës së Zaranikës. /CNA





Lajmet e fundit nga