E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Projekligji për pezullimin e ministrave/ Juristi: Nuk ka prishje balancash, po plotësohet një boshllëk i 2012

16 Shkurt 2026, 16:01, Aktualitet CNA

Projekligji për pezullimin e ministrave/ Juristi: Nuk ka prishje balancash,

Juristi Bledar Dervishaj në një dalje televizive ka folur për ndryshimin e propozuar nga PS në projektligj. Dervishaj tha se ky debat nuk duhet bërë fare pasi vendimi i Gjykatës Kushtetuese për ankimimin e qeverisë konstatoi një boshllëk ligjor.

Boshllëk të cilin, juristi tha se e kanë krijuar ndryshimet kushtetuese të bëra në vitin 2012, ku u harrua të plotësohej norma e nenit 242 të Kodit Penal, për të saktësuar se nuk mund të ndërhyet.

Dervishaj deklaroi se tani nuk ka asnjë ndërhyrje në balancën mes pushteteve thjesht po korrigjohet gabimi i bërë.

“Ky debat nuk duhet bërë fare sepse nëse Gjykata Kushtetuese u nda 4-4, në atë shqyrtim kushtetues të nisur nga kryeministri, ku 4 anëtarë konstatuan faktin që po ka një ndërhyrje, kemi një mosmarrëveshje të lindur, dhe 4 të tjerë mbajtën një qëndrim jo të ndryshëm, por konstatuan një boshllëk ligjor të krijuar gjatë ndryshimeve kushtetuese të vitit 2012, ku Kuvendi në pavëmendje, pavarësisht se hapi rrugën e një procedimi penal ndaj ministrit, harroi të plotësonte normën e nenit 242 të Kodit të Procedurës Penale, për ta saktësuar njëherë e mirë që këtu nuk mund të ndërhyhet.

Ndaj ky gabim që vet Kuvendi në 2012-ën, me harresat e tij e ka krijuar, Kuvendi tani që iu shfaq konflikti përpara po e plotëson dhe nuk ka absolutisht asnjë ndërhyrje qoftë edhe të vogël, të prishjes së balancave mes pushteteve. 4 anëtarët e Gjykatës Kushtetuese në një përshkrim që ata bënë në një njoftim të gjykatës thanë që i takon ligjvënësit kushtetues të plotësojë këtë normë, ky ishte kuptimi, detyra që lanë ata.

Nuk ka asnjë gjë të keqe, e shoh debatin të theksuar politik. Vullnet politik është një nismë ligjore, vullnet politik është edhe ky këtu, falë një kërkese te bërë evidente nga Gjykata Kushtuese, në një debat të krijuar nga shkelja e një kufiri që s’duhet të ishte kaluar nga pushteti gjyqësor”, tha Dervishaj.