web counter
LEXO PA REKLAMA!

SHKARKO APP

App Store
Google Play

Berisha, akuza drejtorit të ri të AKSHI-t: Çfarë përfaqëson Igli Tafa

16 Shkurt 2026, 13:02, Aktualitet CNA

Berisha, akuza drejtorit të ri të AKSHI-t: Çfarë

Kreu i PD-së, Sali Berisha, në një deklaratë për mediat ka hedhur akuza ndaj drejtorit të ri të AKSHI-t, Igli Tafa.

Berisha është shprehur se Igli Tafa ka dhënë tender për të afërm të kryeministrit Edi Rama.

“Zonja dhe zotërinj, dua t’ju njoh me disa zhvillime të fundit, po në këtë linjë.

Në krye të kopshtit privat të tij, AKSHI-t, vendoset famëziu Igli Tafa.

Çfarë përfaqëson Igli Tafa?

Drejtorin e Sigurisë Kibernetike, i cili është edhe autori i tenderit 75 milionë euro për baxhon e Ramës apo për kunatin e florinjtë të Linda Ramës, në të cilën nuk vërtetohet asnjë punim, asnjë shpenzim, përveç plaçkitjes nga thesari i shtetit të 75 milionë eurove, nga të cilat transhi i fundit prej 25 milionësh u lëvrua me urdhër direkt të Edi Ramës nga ministri i Financave një muaj më parë dhe unë e denoncova në këtë sallë, e denoncova edhe në Parlament.

Pra, Igli Tafa është një kukull, një vegël e klanit të Surrelit që do të majmet me çdo çmim nga AKSHI, nga i cili kanë plaçkitur qindra e qindra milionë euro.

Igli Tafa ka pasur një rrogë dy herë më të madhe dhe Edi Rama ka marrë përsipër t’i rregullojë rrogën.

Edi Rama po krijon tani AKSHI-n si sipërmarrje shtetërore private ku duart e zeza të klanit Rama nëpërmjet klanit Frangu shtrihen dhe e kapin plotësisht.

Pra, Edi Rama nuk heq dot kurrë dorë nga vjedhja, është i gatshëm gjer minutën që do të qëndrojë në pushtet, të vjedhë gjer në palcë qytetarët shqiptarë”, tha Berisha./ CNA





Lajmet e fundit nga