web counter
LEXO PA REKLAMA!

SHKARKO APP

App Store
Google Play

"Kur merrni fondet, ndiqini projektet"/ Korreshi te "Ligjet": Vëmë tulla për të ecur në ca lagje nga ujërat e zeza

16 Shkurt 2026, 12:13, Aktualitet CNA

"Kur merrni fondet, ndiqini projektet"/ Korreshi te

Në Komisionin e Ligjeve po diskutohet projektligji "Për ratifikimin e marrëveshjes së huas, ndërmjet Republikës së Shqipërisë, dhe KfW Frankfurt am Main (KfW), për programin “Infrastruktura bashkiake V - faza II’”.

Gjatë diskutimeve, deputeti i Partisë Demokratike, Saimir Korreshi tha se kur merren fondet për projekte, zbatimi i tyre duhet ndjekur. Ai u shpreh se prej një jave zjarrfikësja e Lushnjës çon ujë të pijshëm në Fier. Korreshi gjithashtu ka ngritur shqetësime lidhur me praninë e ujërave të zeza në Lushnjë.

“Si ka mundësi që në Fier zjarrfikësja e Lushnjës një javë rresht çon ujë për të pirë. Marrim 45 mln, po hyjmë në Europë, si i shpjegoni faktet që zjarrfikëset çojnë në Fier për të mbushur bidonët e ujit. Kam edhe filmimet. Ujërat, se ju keni edhe ujin e pijshëm edhe ujërat e zeza. Se nuk dua të kaloj kështu, ne vëmë tulla për të ecur në ca lagje nga ujërat e zeza. Jua tregon ku të doni. Ju do hyni në Europë duke shkelur mbi ujërat e zeza? Na sillni tulla e blloqe të paktën.

A i ndiqni projektet kur zbatohen? Si funksionon projekti? Jepni fonde dhe lekë, i tenderoni dhe ata hyjnë në Europë, e kontrolloni projektin? Sepse kam konstatuar, që para 6 muajsh ka çarë rrugën në 2 krahët dhe atje kanë rënë kamionë nga puna e ujësjellësit. Se ne bëjmë 1 punë dhe prishim 8 të tjera”, tha ai. /CNA





Lajmet e fundit nga