web counter
LEXO PA REKLAMA!

SHKARKO APP

App Store
Google Play

“U bëmë grup kriminal tre veta”/ Beqaj: Vizitoni realitetin e kontratës, prokurorët nuk e bënë kurrë

16 Shkurt 2026, 14:26, Aktualitet CNA

“U bëmë grup kriminal tre veta”/ Beqaj: Vizitoni

Seanca gjyqësore ndaj ish-ministrit të Shëndetësisë, Ilir Beqaj, u shoqërua me deklarata sfiduese nga ana e tij, teksa ai hodhi poshtë akuzat për përfshirje në “grup të strukturuar kriminal” lidhur me kontratën e sterilizimit.

Para trupit gjykues, Beqaj vuri në dyshim mënyrën si është zhvilluar hetimi, duke pretenduar se prokuroria nuk ka kryer verifikime në terren për mënyrën e zbatimit të kontratës. Ai ftoi gjykatën që të shohë nga afër realizimin e saj, duke theksuar se afati i kontratës përfundon më 8 mars.

Sipas tij, akuzat janë ngritur pa u analizuar konkretisht funksionimi i shërbimit, ndërsa e cilësoi të pabazuar pretendimin se ai dhe persona të tjerë kanë vepruar si grup kriminal për përfitime të paligjshme.

Seanca nuk vijoi me shqyrtim të mëtejshëm, pasi në sallë mungonin avokatët mbrojtës të ish-ministrit. Gjykata vendosi shtyrjen e saj për një datë tjetër.

“Ndjesë, se do them një gjë që nuk është brenda procedurës. Kontrata për të cilën jemi këtu mbaron më 8 mars. Unë do të doja të shkoni ta vizitoni vetë realitetin e kontratës. Prokurorët nuk e bënë kurrë. Sepse, sipas tyre, u bëmë grup kriminal tre veta vetëm për të vjedhur. Është ftesë, asgjë më shumë. Mbaron për tri javë dhe pastaj nuk ka kuptim”, u shpreh Beqaj para trupit gjykues./ CNA





Lajmet e fundit nga