E fundit!

12:56 Aktualitet

VIDEO/ Rama i kritikon, kryebashkiakët ia plasin të qeshurës

Kryeministri Edi Rama ka kritikuar ditën e sotme gjatë zhv...

“Buka me arsenik”/ Muçollari përplaset me përfaqësuesen e AKU-së

17 Shkurt 2026, 10:42, Aktualitet CNA

“Buka me arsenik”/ Muçollari përplaset me

Anëtari i kryesisë së Partisë Demokratike, Grigels Muçollari, akuzoi sot Autoritetin Kombëtar të Ushqimit (AKU) për vonesë dhe mungesë koordinimi në rastin e bukës së kontaminuar me arsenik, duke theksuar se qytetarët mbeten të pambrojtur.

I ftuar në emisionin “Kafe Shqeto”, Muçollari u shpreh se informacioni mbi kontaminimin nuk ka ardhur nga kontrollet e drejtpërdrejta të AKU-së, por nga kompania mëmë e produktit, e cila e njoftoi institucionin mbi problemin.

Ai kritikoi vonesën në informimin e publikut dhe sekuestrimin e mallrave, duke theksuar se qytetarët morën njoftimin vetëm pas disa javësh.

Nga ana e saj, përfaqësuesja e AKU-së, Polikseni Drazho, nga Sektori Shkencor, kërkoi verifikim të analizave dhe theksoi se nuk janë publikuar prova të mjaftueshme për të konfirmuar rrezikun për konsumatorët.

Muçollari kërkoi gjithashtu përmirësimin e sistemeve të reagimit, analiza më transparente dhe mbikëqyrje më të rreptë të kompanive, duke e cilësuar rastin si një shembull të qartë të mangësive në sigurinë ushqimore në vend.

Debati në emision

P. Drazho: Buka me arsenik? Më fal, domethënë logjikisht ku e gjeti arsenikun buka?

G. Mucollari : Ky është investigim i një televizioni (jo aq opozitar) me thënë të drejtën.

P Drazho: Jo, jo, nuk po them për opozitë apo jo opozitë. Jam shumë dakord. Si logjikë, arseniku në bukë...

G. Mucollari : Po leje tani mos hyjmë te arseniku. Ne po flasim për një investigim të një emisioni që flet për problemet, domethënë në pesë prova që ka marrë, në pesë furra buke ka probleme të thella në raport me cilësinë

P. Drazho: Po ku janë analizat të cilat nuk na janë vënë në dispozicion që ne të verifikojmë?

G Muçollari: Duhet ta kishit bërë më përpara këto analiza për ta parandaluar rastin!

P. Drazho Ku janë provat? Ku janë provat të cilat bazojnë që kjo bukë ka rezultuar me këtë problematikë?

P. Drazho : Tani ne këtë po themi, që merret produkti dhe analizohet. Mirëpo rastet e pranisë së arsenikut në bukë apo në drithëra, se buka vjen nga drithërat, janë shumë të rralla. Madje dhe mund të jenë dhe inekzistente, sepse ku e mori?

G. Mucollari : E di, çfarë është interesantja se nganjëherë më bën përshtypje dhe do të doja domethënë që të kishte punonjës të ndershëm, por dhe ndërkohë mos merrnim përsipër të mbronim të pambrojturën.

G Muçollari: Informacionin e kisha marrë nga rrjeti i kompanive, që do të thotë përgjegjshmëria e vetë kompanisë për të njoftuar që shiko se këtë unë po e bllokoj dhe kush e ka këtë produkt duhet ta heqi.

Dhe në të njëjtën kohë, teorikisht AKU-ja duhet ta njoftonte si rast sepse vetë kompania e kishte njoftuar AKU-në.

Domethënë, jo AKU-ja e kishte kapur rastin, por kompania i kishte thënë AKU-së që shiko, ka ndodhur që ky rast, më ka njoftuar kompania mëmë, ka këtë problem.

AKU-ja në lidhje me mishin, ju deshën disa javë që ta nxirrte lajmërimin në mënyrë që qytetarët mos e konsumonin ata që e kishin blerë, por ndërkohë ju deshën dhe tre javë të tjera të shkonte të sekuestronte mallin, pas këmbënguljes së fortë të kompanisë dhe përgjegjshmërisë së kompanisë. Që do të thotë që këtu jemi në dorë të fatit"./ CNA