web counter
LEXO PA REKLAMA!

SHKARKO APP

App Store
Google Play

E fundit!

x

“Çështja i takon drejtësisë”/ Rama: I pikëlluar për agresionin barbar dhe dhunën ndaj Mirlinda Karçanajt

17 Shkurt 2026, 12:03, Aktualitet CNA

“Çështja i takon drejtësisë”/ Rama: I

Kryeministri Edi Rama ka marrë pjesë në prezantimin e Igli Tafës si drejtor i AKSHI-t, pas dorëheqjes së Mirlinda Karçanajt.

Rama u shpreh se ndihet i pikëlluar për të gjithë sulmin që i është bërë ish-drejtoreshës së AKSHI-t me të cilën thotë se ka punuar prej dy dekadash.

Por Rama thekson se çështja i takon drejtësisë dhe uron që Karçanaj të dalë e pastër nga hetimi.

“Vendosa të vij vetë për të prezantuar drejtorin e ri. Në radhë të parë desha të vij vetë se doja të bëja një falënderim për Mirlinda Karçanajn. Ka punuar pranë meje për dy dekada a më shumë që kur kemi qenë në Bashkinë e Tiranës. Kemi qenë të përkushtuar ndaj shërbimit publik. Mirlinda ka qenë e para që vinte në punë dhe e fundit që dilte nga puna. Ndihem i pikëlluar për çdo gjë që po kalon, agresionin barbar të portaleve dhe të rrjeteve dhe të dhunës. Nuk kam dijeni në lidhje me aktivitetin e kompanive të përfshira në hetim. Kam dijeni që Linda është nënë e vetme me dy fëmijë që ka një karrierë në shërbimin publik.

AKSHI ka partner të nivelit të lartë se janë të mëdhenjtë e teknologjisë si Microsoft, kam dëgjuar fjalët më entuziaste dhe mbresat më të jashtëzakonshme për Mirlinda Karçanjan. Edhe pse ndodhet sot në një kalvar ku dua të besoj se do të dalë e pastër, kjo i takon drejtësisë, nuk do të thotë t’i hidhen poshtë vlerat.

Jam i keqardhur për ata që janë vënë në presion, janë keqtrajtuar, abuzuar dhe përballur me metoda shtrëngimi të pajustifikueshme në një republikë demokratike.

Dua t’ju them jetojmë në një fazë ku po ndodh një tjetër revolucion për të transformuar Shqipërinë”, tha Rama./ CNA





Lajmet e fundit nga