web counter
LEXO PA REKLAMA!

SHKARKO APP

App Store
Google Play

Inceneratori i Tiranës/ Gjykata e Lartë nuk heq sekuestron

9 Janar 2024, 14:40, Aktualitet CNA
Inceneratori i Tiranës/ Gjykata e Lartë nuk heq sekuestron
Inceneratori i Tiranës

Gjykata e Lartë nuk pranon rekursin për heqjen e sekuestros për inceneratorin e Tiranës. Mësohet se kërkesa u shqyrtua në dhomën e këshillimit nga një kolegj gjykues i përbërë nga gjyqtarët Ilir Panda, Sokol Binaj e Sandër Simoni. 

Avokatët e kompanisë koncesionare kërkuan heqjen e sigurimit pasuror “sekuestro preventive” për person juridik,  “Integrated Energy BV S.P.V” sh.p.k së bashku me të gjitha pasuritë e paluajtshme dhe të luajtshme në pronësi të tij. 

Më 1 gusht të vitit të kaluar SPAK (lexoni këtu) sekuestroi inceneratorin e Tiranës.

Në njoftimin e SPAK-ut u nënvizua se Klodian Zoto dhe Mirel Mërtiri kanë përdorur persona dhe shoqëri të tjera për të fshehur gjurmët si pronarët e vërtetë të shoqërisë koncesionare “Integrated Energy B.V SPV” sh.p.k.

SPAK deklaron se Zoto dhe Mërtiri, janë personat që kanë udhëzuar dhe kanë marrë vendimet në lidhje me shoqërinë koncesionare të inceneratorit të Tiranës. Pra, Zoto dhe Mërtiri janë kokat e kësaj afere korruptive. 

Ashtu siç CNA e ka paralajmëruar, Prokuroria e Posaçme vijon hetimet për inceneratorin e Tiranës. 

Në muajin dhjetor, SPAK lëshoi 15 fletë-arreste për këtë aferë korruptive me vlerë 110 milionë euro./CNA 

 

 





Lajmet e fundit nga