web counter
LEXO PA REKLAMA!

SHKARKO APP

App Store
Google Play

E fundit!

x

20 vite nga 9 janari 2004, tragjedia me 21 viktima dhe 7 të zhdukur

9 Janar 2024, 10:58, Aktualitet CNA

20 vite nga 9 janari 2004, tragjedia me 21 viktima dhe 7 të zhdukur

Sot shënohen 20 vite nga tragjedia e 9 janarit të vitit 2004, në gjirin e Vlorës, ku u përmbys një gomone që transportonte ilegalisht disa shqiptarë drejt Italisë.

Bilanci i viktimave ishte tejet i rëndë. Zyrtarisht u konfirmuan 21 persona të mbytur dhe 7 të tjerë rezultojnë ende të zhdukur, pasi trupat e tyre nuk u gjetën kurrë.

Viktimat e konfirmuara u gjetën mëngjesin e 10 janarit nga një helikopter i NATO-s së ushtrisë italiane.

Ata ishin kryesisht të rinj të Qarkut Shkodër, të moshave nga 15 deri në 33 vjeç.

Njëmbëdhjetë të tjerë mundën të shpëtonin, mes tyre edhe skafistët.

Shqiptarët u paguan nga 1500 euro skafistëve me shpresën se bregu tjetër do t’u rregullonte jetën, por lundrimi për në shtetin fqinj ishte tragjik.

Tragjedia nuk është zbardhur plotësisht.

Vetëm pas 13 vitesh u arrit ekstradimi për në Shqipëri i njërit prej skafistëve, Elton Tafilit, i dënuar me 25 vite burg nga gjykata e Vlorës për trafik të qenieve njerëzore me qëllim emigracionin klandestin.

Shoqata e familjarëve të viktimave të kësaj tragjedie bëri pak vite më parë kallëzim në SPAK, por kjo strukturë refuzoi ta marrë në shqyrtim dhe e ktheu në Gjykatën e Vlorës.

Ata kërkojnë zbardhjen e ngjarjes dhe vendosjen para përgjegjësisë të ish-zyrtarëve të Policisë së Vlorës dhe Ministrisë së Brendshme./ CNA





Lajmet e fundit nga