Emërimi i Gonxhes/ Ish-zv.ministrja zbulon prapaskenat e lëvizjes së Ramës

8 Janar 2024, 19:05, Aktualitet CNA

Emërimi i Gonxhes/ Ish-zv.ministrja zbulon prapaskenat e lëvizjes

Ish-zëvendësministrja e Financave, Irena Beqiraj ka komentuar emërimin e Blendi Gonxhes në krye të Ministrisë së Ekonomisë, Kulturës dhe Inovacionit.

Sipas Beqirajt, 60 milionë euro janë alokuar në fund të dhjetorit nga Ministria e FinancAve për blerjen e programi të inteligjencës artificiale për prokurimet, të tjera qindra milionë euro do të kërkohen për të blerë inovacion për instalimin e AI.

Si rrjedhojë ish zëvendës ministrja thotë se inovacioni do të jetë kanali ku do të rrjedhin një pjesë e mirë e buxhetit të shtetit.

Më tej, Irena Beqiraj deklaron se projektet strategjike , edhe agjensia e trajtimit të tyre AIDA, koncensionet / PPP edhe agjensia e trajtimit të tyre ATRAKO , ku merren vendime edhe menaxhohen interesa të mëdha ekonomike po ashtu janë pjesë e digasterit të Ministrisë së Ekonomisë .

Ndër të tjera, sipas ish zv.ministres, me këtë lëvizje Rama ka përqëndruar fuqinë ekonomike edhe të parasë në një dorë të vetme.

Në përfundim të statusit të saj, Irena Beqairaj shton se Gonxhes sot ia di e ia qan hallin Arben Ahmetaj!

Postimi i Irena Beqirajt

Blendi Gonxhes sot ja di, e ja qan hallin vetëm Arben Ahmetaj!

Një ministër për Ekonominë Kulturën edhe Inovacionin . Sado i vështirë të duket kombimini i këtyre digastereve , kohë të vështira kërkojnë edhe kombinacione të cudicme.

60 milionë euro ka alokuar vetëm me një të rënë të lapsit Ministria e Financave në fund të Dhjetorit 2023 për blerjen e programit të intelegjencës artificiale për prokurimet .

Të tjera qindra milionë euro do të kërkohen për të blerë inovacion sa frengu pulën me qëllim instalimin e " AI -tokracisë" .

Pra inovacioni do të jetë kanali ku do të rrjedhin një pjesë e mirë e buxhetit të shtetit këtej e tutje.

Projektet strategjike , edhe agjensia e trajtimit të tyre AIDA, koncensionet / PPP edhe agjensia e trajtimit të tyre ATRAKO , ku merren vendime edhe menaxhohen interesa të mëdha ekonomike po ashtu janë pjesë e digasterit të Ministrisë së Ekonomisë .

Në këtë pjatë të mbushur me interesat me të mëdha ekonomike , duhej një garniturë si "Kultura" me anë të së cilës publiku të tresë " përqendrinin e fuqisë ekonomike edhe të parasë " në një dorë të vetme.

Edhe zgjedhjen e " dorës së vetme" që menaxhon fondet publike Kryeministri ynë e ka mjeshtëri. Të gjithë ato që kanë marrë detyra te tilla kanë kaluar testet e nevojshme për ti merituar këto vende . Ato jo vetëm janë të gatshëm të përdoren , por kur duhet dhe e lips nevoja ,do të pranojnë pa bërë zë, etiketimet e liderit si "vemje" edhe akuzat e tij se kanë ngrenë kumbulla, dardha, mollë e portokalle , prapa kurrizit të liderit të tyre besimplotë, edhe partisë socialiste .

Nuk ka Gonxhe që" lulëzon" më nën këtë diell .

Besoj më shumë se kushdo tjetër , Gonxhes sot ja ja di e ja qan hallin Arben Ahmetaj !/ CNA