web counter
LEXO PA REKLAMA!

SHKARKO APP

E fundit!

x

Vetëvrasja e 41-vjeçares në Durrës/ Vjehrra: Djali i fali humbjen e 40 mijë eurove

8 Janar 2024, 12:57, Aktualitet CNA
Vetëvrasja e 41-vjeçares në Durrës/ Vjehrra: Djali i fali
Nëna e Xhemal Lokës

Nëna e Xhemal Lokës, vjehrra e 41-vjeçares, e cila humbi jetën, pasi piu fotoksinë, ishte sot në Gjykatën e Durrësit ku i biri ka dalë për vlerësim të masës së sigurisë.

Vjehrra gjatë një prononcimi për mediat, mbrojti djalin e saj dhe tha se ai ia kishte falur postimin në "TikTok", ku denigrohej fytyra e saj. Ajo flet edhe për një shumë prej 40 mijë eurosh që ka humbur në banesë. 

“Faqen e hapi kushërira e Bedrijes nga nëna, goca e tezes. Kështu thoshte Bedrija. Nuk ka thënë gjë Xhemali, ia fali edhe lekët ia fali. Bedrije Bushi ka fjetur mbi lekët e djalit tim", u shpreh ajo. 

Për vetëvrasjen e 41-vjeçares, policia ka arrestuar burrin e saj. Forcat blu bëjnë me dije se ai nuk ka bashkëpunuar për zbulimin e rrethanave të ngjarjes në fjalë.

Pas hetimeve është zbuluar se 45-vjeçari ka ushtruar dhunë psikologjike ndaj nënës së 4 fëmijëve, madje raportohet se në një rast ka tentuar që ta vrasë atë me thikë.

Gjatë kontrolleve i është gjetur një sasi e konsiderueshme municionesh luftarake dhe po ashtu është sekuestruar telefoni i tij dhe i bashkëshortes së ndjerë./CNA 





Lajmet e fundit nga