web counter
LEXO PA REKLAMA!

SHKARKO APP

App Store
Google Play

E fundit!

x

Rama largon pa arsye ministren e suksesshme

8 Janar 2024, 15:36, Aktualitet CNA
Rama largon pa arsye ministren e suksesshme
Kryeministri Edi Rama

Kryeministri Edi Rama ka bërë sot një ndryshim të befasishëm, duke i dhënë një post mjaft të rëndësishëm, Blendi Gonxhes, që deri më tani ka qenë në krye të DPSHTRR-së.

Rama e ka emëruar Gonxhen si ministër të Ekonomisë, Kulturës dhe Inovacionit duke larguar një prej ministreve të suksesshme siç është Elva Margariti, e cila drejtonte Ministrinë e Kulturës. 

Kështu, Gonxhe do të marrë kompetencat e drejtimit të Ministrisë së Kulturës, si dhe do t’i marrë Metes sektorin e Ekonomisë, duke i lënë vetëm drejtimin e Ministrisë së Financave.

Në postin e tij Rama shpjegonte se kjo lëvizje erdhi për shkak se duhet të kalohet në një qasje të integruar qeveritare në raport me sektorët e Ekonomisë, Kulturës dhe Inovacionit, të cilat për fazën e re të zhvillimit ku sapo kanë hyrë, duhet të dalin nga kufijtë e ngushtë tradicionalë të qeverisjes së vendit dhe të ndërveprojnë ngushtësisht me njëra-tjetrën.

Për këtë nevojë strategjike ka vendosur ndryshimin e strukturës së qeverisë dhe krijimin e një ministrie të re të Ekonomisë, Kulturës dhe Inovacionit.

"Lipset të kalohet sot në një qasje të integruar qeveritare në raport me sektorët e Ekonomisë, Kulturës dhe Inovacionit, të cilat për fazën e re të zhvillimit ku sapo kemi hyrë, duhet të dalin nga kufijtë e ngushtë tradicionalë të qeverisjes së vendit dhe të ndërveprojnë ngushtësisht me njëra-tjetrën, sidomos në kushtet kur teknologjia digjitale ka hyrë si një fuqi e re e kohës në të gjitha fushat e jetës dhe kërkon drejtim strategjik, orientim qeverisës e koordinim ndërsektorial; kur kultura nuk mund të mbetet më një ishull i vogël e i ndarë nga dinamikat e reja ekonomike e sociale të vendit, mbi të cilat ajo ka një potencial të madh ndikues, e prej të cilave ajo mund të përfitojë shumë më tepër; kur vetë sektori i ekonomisë në tërësi kërkon një përmasë të re në frontin e qeverisjes.

Për këtë nevojë strategjike të kësaj faze të re të zhvillimit, kam vendosur ndryshimin e strukturës së qeverisë dhe krijimin e një ministrie të re të Ekonomisë, Kulturës dhe Inovacionit, e cila do të bashkojë në një të vetme pjesët që aktualisht funksionojnë të ndara në ministritë respektive të Financave dhe Ekonomisë e të Kulturës.

* Për drejtimin e kësaj ministrie të re do t’i propozoj sot Presidentit të Republikës, zotin Blendi Gonxhe, një drejtues publik që ka spikatur për reformimin dhe modernizimin mbresëlënës të institucionit, orientimin konstant ndaj inovacionit në funksion të rritjes së cilësisë së shërbimit për qytetarët, shpejtësinë e integrimit të nënsektorit përkatës në kornizën e standarteve europiane", shkruan Rama në "Twitter". /CNA





Lajmet e fundit nga